尚青商號 (已搬遷) 新店位置

佛誕假期黎灣仔打波，諗住食啲野先去，男朋友揀左呢間，話係傅佩嘉開😆咪試下囉～無論門面、入面嘅設計同間格、擺設都令我感覺好似置身台灣咁☺️連由舖面嗰層行上去餐廳座位嗰層嘅嗰條窄窄長長嘅樓梯，都令我聯想起台北小區嗰啲文青餐廳🙈🙈我地入座時間係下午5點幾，唔洗排隊之餘仲好多位😬😬✨櫻花蝦瑤柱蔥油拌麵個麵本身幾濃味，好多櫻花蝦瑤柱醬，都幾有台灣風味😃前菜有酸蘿蔔同黑木耳～涼涼地酸酸地幾開胃👍🏻✨台酒三杯雞肉飯用熱鍋上幾好，一路食都keep住熱😊雖然唔算好台灣嘅感覺，但味道都不錯，個飯仲有啲魚乾仔、黑芝麻、葱粒咁😉幾有心思！雖然用餐時間限左一小時，但對我地黎講都好足夠😜