影片
更多
2023-05-30
2889 浏览
终于~终于有时间去K11潮圣Photo Printing Coffee啦！呢间餐厅结合艺术及饮食，全店放满草间弥生、村上隆、KAWS等展品，多款特色卡通挂画，好Colorful，朝气勃勃嘅感觉。晚餐时间有Set拣，包餐汤、主菜、同埋一杯嘢饮。作为职业港女，一定要+$48试呢杯signature嘅艺术打印咖啡，打卡一流👸🏻。印制方法简单，手机拣自己心水嘅图片，然后WhatsApp俾餐厅，比佢哋打印出嚟，可以自选咖啡/朱古力底😍，饮品微冻，先可以令到图案唔会化开，图案会打印喺厚滑嘅忌廉泡上，忌廉奶泡绵密，好重甜奶香味。嘢饮一上，真系心心眼，超超超靓，完全唔舍得饮，我叫咗佢哋打印我心爱嘅猫咪儿时照片，相片出嚟质素非常好，仲有少少Vintage。安格斯高级肉眼牛扒10oz配烤薯 ($238)肉眼扒大件，算厚身，两面煎至焦香，且有格纹，肉质比较有咬口，但味浓，仲有烤蒜、沙律等side dish。🦞波士顿龙虾意粉 ($228)意粉口感恰到好处，蕃茄酱份量颇多 ，酸酸地好开胃，半只波士顿龙虾好长身，肉质爽口新鲜，兼弹口。整碟菜式卖相超吸睛！呢度上菜速度快，餐厅坐得舒服。
终于~终于有时间去K11潮圣Photo Printing Coffee啦！
呢间餐厅结合艺术及饮食，全店放满草间弥生、村上隆、KAWS等展品，多款特色卡通挂画，好Colorful，朝气勃勃嘅感觉。
晚餐时间有Set拣，包餐汤、主菜、同埋一杯嘢饮。
作为职业港女，一定要+$48试呢杯signature嘅艺术打印咖啡，打卡一流👸🏻。印制方法简单，手机拣自己心水嘅图片，然后WhatsApp俾餐厅，比佢哋打印出嚟，可以自选咖啡/朱古力底😍，饮品微冻，先可以令到图案唔会化开，图案会打印喺厚滑嘅忌廉泡上，忌廉奶泡绵密，好重甜奶香味。
嘢饮一上，真系心心眼，超超超靓，完全唔舍得饮，我叫咗佢哋打印我心爱嘅猫咪儿时照片，相片出嚟质素非常好，仲有少少Vintage。
安格斯高级肉眼牛扒10oz配烤薯 ($238)
肉眼扒大件，算厚身，两面煎至焦香，且有格纹，肉质比较有咬口，但味浓，仲有烤蒜、沙律等side dish。
🦞波士顿龙虾意粉 ($228)
意粉口感恰到好处，蕃茄酱份量颇多 ，酸酸地好开胃，半只波士顿龙虾好长身，肉质爽口新鲜，兼弹口。整碟菜式卖相超吸睛！
呢度上菜速度快，餐厅坐得舒服。
张贴
