影片
更多
2024-10-03
630 浏览
纪念日豪食少少，经朋友推介去左食寿司之神，唔系日本果间，系元朗区既！呢间寿司之神原来已系香港开业超过十年，10年都屹立不倒，一定有番几度散手。.店面大大只招牌写住寿司之神，水泥墙贴出menu,再有个木门，系外面完全睇唔到入面，私隐度好高，亦几神秘。午餐由$480-$980,我拣左中间价位，$880 有15品。由于店面积唔大，最好预先预约，亦好比店准备食材。今日接待我地既师傅望落年纪轻轻，但原来都已经有19 年经验。佢仲要一路准备食物，又一路分享佢对食材既睇法，食到美食之余，又学到知识。由于厨师发办系不时不食，所以每次都会有分别，有特别想食既可以预先打电话去问下有冇。连前菜到甜品有19样咁多，唔样样讲，拣啲我觉得印象深刻既介绍。🔹水云醋物 🔹水云系一种黏黏稠稠既海藻，好有营养，以醋物方式入馔酸酸地几开胃。🔹兵库县生蚝🔹口感爽而鲜甜，肉质肥美饱满，完全唔会腥。🔹鳕鱼刺身🔹鱼味淡但口感爽身。🔹 鳕鱼白子🔹第一次食都要唞啖大气先敢摆入口，师傅话系熟既令我有啲信心。入口柔滑顺口，系完全唔腥，好creamy,配上香葱几清新，唔怪得有人好钟意。🔹甜虾蓉配虾膏酱 锅巴底🔹一啖过吞，除左食到甜虾软糯有胶
纪念日豪食少少，经朋友推介去左食寿司之神，唔系日本果间，系元朗区既！呢间寿司之神原来已系香港开业超过十年，10年都屹立不倒，一定有番几度散手。.
店面大大只招牌写住寿司之神，水泥墙贴出menu,再有个木门，系外面完全睇唔到入面，私隐度好高，亦几神秘。午餐由$480-$980,我拣左中间价位，$880 有15品。
由于店面积唔大，最好预先预约，亦好比店准备食材。今日接待我地既师傅望落年纪轻轻，但原来都已经有19 年经验。佢仲要一路准备食物，又一路分享佢对食材既睇法，食到美食之余，又学到知识。
由于厨师发办系不时不食，所以每次都会有分别，有特别想食既可以预先打电话去问下有冇。连前菜到甜品有19样咁多，唔样样讲，拣啲我觉得印象深刻既介绍。
🔹水云醋物 🔹
水云系一种黏黏稠稠既海藻，好有营养，以醋物方式入馔酸酸地几开胃。
🔹兵库县生蚝🔹
口感爽而鲜甜，肉质肥美饱满，完全唔会腥。
🔹鳕鱼刺身🔹
鱼味淡但口感爽身。
🔹 鳕鱼白子🔹
第一次食都要唞啖大气先敢摆入口，师傅话系熟既令我有啲信心。入口柔滑顺口，系完全唔腥，好creamy,配上香葱几清新，唔怪得有人好钟意。
🔹甜虾蓉配虾膏酱 锅巴底🔹
一啖过吞，除左食到甜虾软糯有胶质，仲有脆卜卜锅巴令口感好丰富。
🔹鲣鱼刺身🔹
鱼味浓，炙烧完加啲柚子wasabi食辣辣地好特别。
🔹𩽾𩾌鱼肝🔹
全餐最重口食物，口感好似鹅肝咁细滑丰腴，入口即化。因为比较heavy, 所以搭洒左啲柚子皮解解腻。
🔹吞拿鱼系列：中拖罗、大拖罗、炙烧脑天 、酱油渍赤身 🔹
由瘦到肥美，甚至特别部位如脑天都试匀，水准都中上，特别系脑天入口软滑无筋，鱼味浓郁，肥而不油腻。
🔹海胆系列🔹
白海胆味道层次丰富、紫海胆有两款一款较清甜，另一款较浓味。想讲师傅比海胆绝不手软，海胆既质素都好高。
.
Lunch 黎讲食$880 唔算平，但胜在材料新鲜，食得又舒服，都值得再黎。
张贴
