上海喬家柵飯店 (已結業)

每次经过哩间上海菜馆都会比佢出面上海包点嘅图吸引住，今日夜晚经过终于再忍唔住行咗入去，但系可惜，d包点原来一早卖晒…我想食生煎包呀!!!不过算啦，下次再嚟啦。我哋叫咗两个冷盘，粉皮海蜇同肴肉，另外再叫多咗个炒饭。粉皮海蜇，夹杂住青瓜，两个字，好味!!!配埋花生酱，又爽又滑，胃口大开!!!肴肉相比起粉皮海蜇就冇咁好味啦，因为个肴肉好湿，唔知系咪解冻得唔好，总系觉得有d奇奇怪怪，心理上接受唔倒咁。最后就系个炒饭，个炒饭都无甚特别，唔够干身味道亦唔十分突出。