鋒膳

营业中

休息中

锋膳个铺位好唔显眼，一不留神就会错过左个大厦入口，搭䢂二字楼，环境几清静，装修都带有中国风格。每份午市套餐都会附赠一碗爵士汤，汤头清澈鲜甜，仲会有一小块既蜜瓜同向螺片，饮完觉得好滋润暖身！🐖叉烧煎蛋饭用料优质，叉烧用上二十一天朝熟成宫崎快乐猪既梅头位，鸡蛋则选用左九州太阳卵。叉烧同蛋既养殖方法分别都不约而同地标榜健康，天然同有营养！先不论价钱，卖相靓仔🫶🏻叉烧极之厚切，入口松化软淋，肉味颇为突出，食得出焦香味，火候恰到好处。胀卜卜既太阳蛋🍳好重蛋味，蛋黄色泽鲜艳呈橙红色，蛋浆好浓稠，将白饭变得好黏口，送饭一流！米饭都饱满有光泽，略嫌甜豉油挂唔到饭。整体黎讲系一碟高水准既叉蛋饭，但呢个价钱我会期望食完会有一种令人惊艳既质素！🐖煎蛋串茄焗猪扒饭 同样地用上快乐猪既猪扒同九州蛋🥚分别用上金凤米同珍珠米作炒饭底，再加上以荷兰串茄，洋葱，蘑菇，茄膏同茄汁熬煮成番茄酱汁。酱汁传黎阵阵香气，入口有浓浓既茄味，仲有番茄独特既酸甜，配米饭食一流！猪扒都系一贯咁大份，肉质嫩滑，入口唔需太多咀嚼，再加上芝士同日本蛋，都系一个高质但又有少少定价过高既焗猪扒饭🫣🥢生拆蟹粉虾球伴手做风干面生拆蟹粉🦀分量好慷慨大方