平和拉麵

营业中

休息中

尖沙咀比人感觉好多野食，但大部分都要同游客争饭食嘅餐厅，好想揾多啲价钱合理食物唔揸流摊嘅小店，今晚好想食拉面就去咗棉登径果边揾嘢食，街尾见到呢间外面简洁嘅拉面店，就入去试试。叫咗碗鸡汤拉面，上枱嚟到嘅时候热辣辣，鸡汤香滑唔油腻，面质弹牙，叉烧系好似火腿咁薄嘅食落唔会肥腻，配料笋好出，只蛋先系重点真系好好食（试咗你就明），佢哋仲有大蒜蓉同埋福神渍可以放埋一齐食又系另一个层次！正！有啲美中不足嘅系唔明点解间店要收+1服务费，因为我感觉唔到有服务，建议试吓取消咗服务费，然之后加多$10我都愿意俾，因为碗面真系好出色，请继续加油！呢间店系可以再嚟多几次食！