Peko Peko Eatery (勝利道)

营业中

休息中

胜利道最近多咗好多餐厅，见到呢间日式木系风格既餐厅，装修颜色柔和舒服，座位都几阔落，比较Cozy既environment。呢间餐厅有好多健康减肥之选，特别在佢嘅沙律超级丰富，好用心将蔬菜同水果配搭埋一齐。🍓 Love Strawberry $118红黄绿配搭，色彩缤纷🌈，卖相相当吸引，包括士多啤梨、无花果、蓝莓🫐，蕃茄仔，红菜头，红桑子，沙律菜，颜色劲缤纷，睇到食欲大增。配搭酸酸甜甜嘅红菜头汁，非常开胃，蔬果新鲜健康，而且份量都算大，三个人share做头盘，比较合适。🥩肉方面，我哋拣咗羊架，一碟3件 每件都厚身，size都唔细，羊架肉质嫩滑，就羊臊味唔会好劲，两面都有少少焦香，熟成程度掌握得几好。朋友仲专登叫咗粗薯条，新鲜滚热辣，除咗茄汁，仲有黑松露酱，yummy!!!🍹Mixed Berries Yogurt Smoothie见到隔篱枱叫咗，淡淡的粉红色呼唤紧我，所以都点咗一杯。蓝莓mix士多啤梨🍓🫐，入口重乳酪味道，超钟意，而且口感顺滑，莓味浓郁，而且唔甜，冻冻地几fresh，正。而朋友就叫咗杯抹茶拿铁，个拉花都几靓，朋友话个味道唔错。