奇納百川 (已結業)

呢间环境真系唔错😍，估唔到有海景睇，食野都零舍开心！炸午餐肉配芝士酱（$6️⃣8️⃣）相当之邪恶既小食😈，但又真系好好食😋！用咗spam 午餐肉，份量都几多。个芝士酱都几浓味，不过我哋中意点炸鸡𠮶只芝士多啲🤣，因为𠮶款系拉丝，仲正！海鲜炒粉丝（$1️⃣4️⃣8️⃣）佢好多配料，鱿鱼、虾、蚬都几多下，仲有好入味既冬菇同埋洋葱，我觉得配料仲多过粉丝😌。呢碟味道就比较浓味，加埋白芝麻更香口。韩式辣酱炸鸡配铁板芝士（$1️⃣9️⃣8️⃣）佢同幅图片有少少唔同，因为佢𠮶酱同埋鸡系分开，我觉得咁样几好，因为可以按照自己需要去点个酱。呢个份量大约有七八件鸡，鸡肉几嫩滑，一d都唔鞋，炸粉都唔厚，真系啖啖肉。另外佢个芝士真系好正😍，上枱𠮶阵时超热，点完鸡食仲可以点午餐肉😈，芝士爱好者一定好满意！最后嚟张大合照！