BEP Vietnamese Kitchen 越灶 (已結業)

一打开个menu发觉同芽庄一模一样，不论系定价，餐牌设计以至食物种类完全相同。google完得知系芽庄班底开设既，亦都系连锁式，只系室内装修同气氛更偏向越式。味道同服务态度都同芽庄相若，唔明白集团定位系咩🤔🦐椰汁鱼露虾生虾份量多，堆堆埋埋有十几只，虎虾肉身爽口但鲜甜味就欠奉，要靠酱汁提味。生虾汁好重口味，放左大量蒜粒，薄荷叶同辣椒，非常之辣但又好惹味，几乎每食一只虾就要饮水冲走辣味🙈算系一道好清新醒胃既前菜！🥢安格斯牛肉粉好一般般甚至偏中下既一碗河粉😐成碗粉又唔热辣辣，汤头亦无牛骨味无鲜甜味，河粉好嚡熠熠，又索唔到汤汁。生牛肉就正正常常，肉味唔太浓郁但算嫩滑，不过上台时已经浸耐左失左去半生熟既效果！🥢烧鸡捞檬平平无奇既一碗捞檬。鸡柳经过腌制再炭烧，肉质嫩口，鸡件亦带出淡淡香茅香气！檬粉同檬汁都系越式餐厅常用既牌子，配以大量腌萝卜丝🥕，生菜同青瓜丝🥒再倒入檬汁同炸花生粒炸蒜，几开胃但无令人留下印象既一道菜式。📍BEP Vietnamese Kitchen 越灶尖沙咀梳士巴利道18号维港文化汇K11 Musea 4楼401号舖