廟街玉子燒 (已搬遷) 新店位置

今日收工路过庙街，俾啲烧鱿鱼🦑须味吸引咗，系香喷喷𠮶种味道，每个人都唔可以抗拒呢种味道❤️虽然已经赶住返屋企食饭，但系真系好难忍手唔买，一于加𩠌啦☺️见老板将鱿鱼分拆开鱿鱼桶及鱿鱼须部份，用铁板将鱿鱼越炒越香，鱿鱼口感爽弹脆口，即叫即烧的鱿鱼好鲜甜，我最喜欢鱿鱼须嘅部分，食落带点焦香，仲有汁酱，好惹味，老板问我食唔食得辣，帮我加左少少七味粉，拎到返屋企我同妈咪食到停唔到口，超好食😋铁板牛柳粒份量好多，选用左安格斯牛柳粒，所以肉味好浓郁，煎到啱啱好，煎出黎既油好香呀，食落肉腍唔鞋口❤️❤️其实呢间店主打系玉子烧，一于嗌多份玉子烧，明太子+三重芝士+蟹酱流心玉子烧，未食已经知啲料多到呢，老板好大方，系我食过最足最大份既玉子😋😋玉子烧入面包住满满嘅明太子，蟹酱同芝士。一切开，芝士仲系拉丝架，仲系香喷喷，面头有大量嘅蟹子，七彩缤纷，色香味俱全😘😘