Tsuzuku

营业中

休息中

希云街就好似系铜锣湾既后花园🪴无左闹市既急速嘈吵，反而带点宁静同悠闲既感觉！夜晚九点几好多铺头都已经截左单，又唔想食千遍一律既连锁餐厅，误打误撞揾到一间仲未打烊既小店☺️餐厅以木系为主，除左有野食供应，仲有唔少咖啡同调酒选择，价钱亦相当合理，下次日头黎仲可以带宠物🐶！🐡鸡泡鱼干居酒屋🏮常见既佐酒小食！鸡泡鱼干先用味醂腌到再烘至干身，香口脆身，配合埋撒左七味粉既沙律酱，一条接一条好快就食晒。🍞牛肉他他温泉蛋吐司通常牛肉他他只会出现系西式既小酒馆，系日式咖啡店揾到真系好少见！牛肉肉质红嫩，用上多种调味料同腌过既青瓜搅拌均匀，再搭配半熟既鸡蛋🥚蛋汁令酸种面包变得湿润又唔会过于脆口！入口味道丰富，唔会太单一，而且即使用手食都唔会太狼狈！🍝明太子蟹肉温泉蛋忌廉手工贝壳粉本身对呢个主菜无咩期望😂因为多次系cafe食既意粉质素都好似自己系屋企煮咁，味道都系一般般，点知竟然有惊喜！蟹肉🦀剥成一丝丝，有蟹味又带有海水独特既咸味。忌廉中和左明太子既咸度，再加上烟韧有嚼劲既贝壳粉，每一粒都挂满酱汁🥰温泉蛋更达到画龙点睛既效果，浓郁既蛋香增加左成碟粉既层次！📍Tsuzuku铜锣湾希云街33号地舖