鉄人旨花 (已結業)

出左西环，肚饿，见呢间日式嘢好似唔错。同朋友嗌左精选寿司七件配汤乌冬，有呢两样应该够食。但贪吃嘅我唔怕多，超钟意食薯饼，所以嗌左个咖哩薯饼。先嚟咖哩薯饼，热辣辣、脆卜卜。咬落外脆内软，充满日式咖哩香味，仲有沙拉千岛酱可以沾，更加滋味。寿司七件，有熟食嘅，有刺身嘅，分别有熟虾、玉子、吞拿鱼腩、炙烧鲽鱼边、带子、三文鱼、同一件时令。刺身都好鲜味，只系三文鱼瘦左D，吞拿鱼腩同带子最好食。炙烧鲽鱼边都好香 🤤汤乌冬手制刀切够诚意，猪骨汤浓咸。如果可以淡返D就好啦。环境舒适，人唔多，食饱仲可以吹下水，享受一个宁静舒服嘅中午～