影片
更多
2023-08-23
151 浏览
每次经过都大排长龙，难得闲日入西贡见到餐厅无人，紧系要入去试下🥰餐厅以白色为主，配以木制家私，营造出舒适既格调。播放住柔和音乐加上宁静既环境，令人有种度假既感觉！🏝️🦆香葱鸭南蛮荞麦面薄切鸭肉嫩滑，沾面既鲣鱼汁带有鸭独特既气味，微微咸香，再加上京葱同香菇，蔬菜既甜度中和返沾面汁既味道，几满意呢种配搭🫶🏻。荞麦面口感绵密，但又唔会过于软烂，亦品尝到荞麦既香气。🍞黑松露蟹肉沾酱配吐司一口吐司经过职员即场烘热，多士表层脆卜卜，中间软绵，单食已经好好味😛，再沾上自家制酱汁，口感丰富。淡淡既松露酱唔会盖过蟹肉丝既鲜味，反而两者都展示出自己的优点，互相配合，味道有层次！🍰杂莓班戟餐厅最出名既德国Dutch Baby Pancake🍳，上台既时候会连埋热辣辣平底铁铸锅，配上充满夏天风情既蓝莓同红桑子，色彩斑斓，再追加左一球豆腐雪芭，卖相靓仔！班戟味道都好有层次，边边位脆口，中间烟韧有咬口，蛋味浓郁馥香，新鲜既杂莓🫐同糖浆丰富左甜点既层次！📍Kachimushi西贡市场街35号
餐厅以白色为主，配以木制家私，营造出舒适既格调。播放住柔和音乐加上宁静既环境，令人有种度假既感觉！🏝️
🦆香葱鸭南蛮荞麦面
薄切鸭肉嫩滑，沾面既鲣鱼汁带有鸭独特既气味，微微咸香，再加上京葱同香菇，蔬菜既甜度中和返沾面汁既味道，几满意呢种配搭🫶🏻。荞麦面口感绵密，但又唔会过于软烂，亦品尝到荞麦既香气。
🍞黑松露蟹肉沾酱配吐司
一口吐司经过职员即场烘热，多士表层脆卜卜，中间软绵，单食已经好好味😛，再沾上自家制酱汁，口感丰富。淡淡既松露酱唔会盖过蟹肉丝既鲜味，反而两者都展示出自己的优点，互相配合，味道有层次！
🍰杂莓班戟
餐厅最出名既德国Dutch Baby Pancake🍳，上台既时候会连埋热辣辣平底铁铸锅，配上充满夏天风情既蓝莓同红桑子，色彩斑斓，再追加左一球豆腐雪芭，卖相靓仔！班戟味道都好有层次，边边位脆口，中间烟韧有咬口，蛋味浓郁馥香，新鲜既杂莓🫐同糖浆丰富左甜点既层次！
📍Kachimushi
西贡市场街35号
张贴
