倆口小吃 (已結業)

平时无咩特别都唔会嚟元朗，难得今日放假就入嚟元朗揾下好嘢食，之前见到呢间俩口小吃嘅刈包好吸引，仲拎埋米之莲👍🏻，当然要试下有几好食，舖头未到12:30门外已经有10个人以上排队，我大约等左1个钟先买到😮‍💨，真系心很累。因为小店全部都系即叫即整，确保所有野食都系好好嘅质素，所以等嘅时间比较长，不过都值得排队食下👍🏻。 菠萝炸辣鸡刈包 $46个炸鸡炸到外脆内嫩，一咬落去好juice而且好大块🤤，配埋个秘制辣酱令到个炸鸡劲好食，辣得嚟好惹味，面包全部都系人手制，食落烟烟韧韧👍🏻，烧菠萝可以中和返炸鸡嘅油腻感，值得一试！传统刈包 $42刈包里面嘅卤五花肉腌得好入味，而且好足料大约有3-4块，配埋酸菜一齐食带少少酸味好开胃，刈包实物同相一样都系咁吸睛。抹茶红豆麻糬压饼 $40钟意食抹茶嘅你可以试试🥰，个饼皮煎得好香脆，里面嘅红豆蓉唔会好甜啱啱好，麻糬好烟韧配埋红豆呢个组合实无死，抹茶酱好浓郁，食落好重抹茶味而且带少少苦，好好食😋。