影片
更多
2022-09-22
203 浏览
U grad嘅时候去过荷兰旅行🌷，当时因为穷游，冇乜点真正品尝荷兰地道菜式，困系香港几年冇得外游，唯有试吓唔同国家嘅菜式，当去咗旅行。:朋友介绍呢间系荷兰华侨开嘅餐厅，除咗可以食到原汁原味嘅荷兰菜式，厨师超班嘅烹调技巧令到每一道菜都有fine dining级数。:👍🏻 诚意推介大家去嘅餐厅，品尝高质异国菜👍🏻:餐厅选用简单温馨嘅装修，配以一盏华丽嘅水晶吊灯，每张枱上面放一组蜡烛，同埋荷兰风车、郁金香摆设，令人有一种好warm既感觉。:餐厅职员好专业，推介左几款荷兰家传户晓既地道小食。品尝完之后，我都超级建议大家一定要点几款荷兰小食试吓！:🥢荷兰香肠配洋葱咖喱蛋黄酱———————————————系由鸡肉加猪肉制成肉肠，再𠝹开一半放入咖喱吉士酱、洋葱碎粒，味道层次丰富，after taste系印度咖喱香料味。:🥢阿姆斯特丹脆炸牛肉丸—————————————一款荷兰街知巷闻嘅小食，一粒脆卜卜嘅圆球，一咬开入面系流心质地，原来系用牛骨熬制成汤，捞埋面团、牛肉丝搓成球，好香牛味，好有惊喜。:🥢荷兰脆炸海虾丸———————————————专登用翻荷兰空运返嚟嘅海虾，做到最地道风味，好浓郁嘅虾膏味
:
朋友介绍呢间系荷兰华侨开嘅餐厅，除咗可以食到原汁原味嘅荷兰菜式，厨师超班嘅烹调技巧令到每一道菜都有fine dining级数。
:
👍🏻 诚意推介大家去嘅餐厅，品尝高质异国菜👍🏻
:
餐厅选用简单温馨嘅装修，配以一盏华丽嘅水晶吊灯，每张枱上面放一组蜡烛，同埋荷兰风车、郁金香摆设，令人有一种好warm既感觉。
:
餐厅职员好专业，推介左几款荷兰家传户晓既地道小食。品尝完之后，我都超级建议大家一定要点几款荷兰小食试吓！
:
🥢荷兰香肠配洋葱咖喱蛋黄酱
———————————————
系由鸡肉加猪肉制成肉肠，再𠝹开一半放入咖喱吉士酱、洋葱碎粒，味道层次丰富，after taste系印度咖喱香料味。
:
🥢阿姆斯特丹脆炸牛肉丸
—————————————
一款荷兰街知巷闻嘅小食，一粒脆卜卜嘅圆球，一咬开入面系流心质地，原来系用牛骨熬制成汤，捞埋面团、牛肉丝搓成球，好香牛味，好有惊喜。
:
🥢荷兰脆炸海虾丸
———————————————
专登用翻荷兰空运返嚟嘅海虾，做到最地道风味，好浓郁嘅虾膏味，入边仲有少少虾仁咬口，同样都系流心咖，Yummy!
：
🥢孙木烟熏鳗鱼
—————————
钟意食刺身既朋友一定唔可以错过，烟熏味浓郁嘅鳗鱼，职员话烟熏左六个钟。系荷兰特有嘅鳗鱼，比较细条，口感软绵得嚟有啲弹牙，加埋自家制嘅酱汁，酸酸甜甜好开胃，一试难忘。
:
🥢荷兰粗薯配咖喱蛋黄酱
——————————————
呢个咖喱蛋黄酱系同香肠小食一样，蛋黄渗透甜味，同时间咖喱香料味又浓郁，加埋微酸嘅洋葱粒，一啖展现多重味道，食唔停口。
:
🥢家乡荷兰豆汤
—————————
荷兰人冬天饮嘅汤，饮完个胃真系好暖，将青豆磨成茸，巧妙地加入左烟熏肉粒、肠仔、肉丝、薯仔，完全冇草青味，馅料好丰富。
：
🥢荷兰青口锅
————————
餐厅特登用返荷兰人专用嘅青口煲，上下两层，冚住就可以焗熟，打开之后可以用嚟放青口壳。青口仲要系新鲜由荷兰空运，保留海水做汤底，青口有浓浓海鲜味，肉质仲要好爽，完全同冰鲜系两个世界。
.
🥢苹果金宝配云呢拿雪糕
——————————————
新鲜出炉，闻到香喷喷既肉桂味，批底好松脆，馅料又唔会好甜，食完都唔会觉得好腻，算系食过数一数二最好味apple crumble，大满足。
张贴
