影片
更多
2018-06-06
137 浏览
最近连鲗鱼涌都开左的之前好火热的一芳，我想试好耐，近水楼台的我无理由不试吧！😄 佢地仲试业中，我lunch 时间去已经好多人排紧长龙，不过又未至于打蛇饼，和同事大概等了15分钟，到我们点餐，值得一赞系佢哋嘅人员非常细心和服务态度很好，点餐后再等多15分钟就攞到野饮。👍😊 我发现表示佢最出名的水果茶啦，$30中杯，$33大杯，师奶心态😂差＄3我梗系买大杯啦😂不过＄33一杯野真系几贵，唯有同自己讲人一世物一世点都试吓啦，希望好饮😝满心期待嘅水果茶终于攞到上手，首先利伸一下我未饮过台湾原本的版本，所以我系响完全冇比较嘅情况之下，尝试一下香港嘅一芳系点样，把我嘅感受讲返出嚟。外型上同一般水果茶差不多，肉眼睇到苹果同埋橙切片，仲有好多一粒粒黑色嘅籽，望落都几靓嘅，好似充满不同嘅水果。但饮落去就觉得有啲伏😣其实系好普通，味道好似仙X源的百香果茶𠮶只味，而且每一啖都食到黑色的百香果籽，系咁咬啲核，其实我唔系好钟意呢种感觉，大佬我依家唔系饮紧珍珠奶茶要咬啲珍珠啊！🙁而且睇真原来入面真系得十片八片小片苹果同埋橙，好似仲隐约见到几粒菠萝，而且似装饰多d，完全食不到，要到最后把盖拆开拮上来食下，成本低得可怕
最近连鲗鱼涌都开左的之前好火热的一芳，我想试好耐，近水楼台的我无理由不试吧！😄 佢地仲试业中，我lunch 时间去已经好多人排紧长龙，不过又未至于打蛇饼，和同事大概等了15分钟，到我们点餐，值得一赞系佢哋嘅人员非常细心和服务态度很好，点餐后再等多15分钟就攞到野饮。👍😊 我发现表示佢最出名的水果茶啦，$30中杯，$33大杯，师奶心态😂差＄3我梗系买大杯啦😂不过＄33一杯野真系几贵，唯有同自己讲人一世物一世点都试吓啦，希望好饮😝
满心期待嘅水果茶终于攞到上手，首先利伸一下我未饮过台湾原本的版本，所以我系响完全冇比较嘅情况之下，尝试一下香港嘅一芳系点样，把我嘅感受讲返出嚟。
招牌水果茶
$33
110 浏览
0 赞好
0 留言
外型上同一般水果茶差不多，肉眼睇到苹果同埋橙切片，仲有好多一粒粒黑色嘅籽，望落都几靓嘅，好似充满不同嘅水果。
但饮落去就觉得有啲伏😣其实系好普通，味道好似仙X源的百香果茶𠮶只味，而且每一啖都食到黑色的百香果籽，系咁咬啲核，其实我唔系好钟意呢种感觉，大佬我依家唔系饮紧珍珠奶茶要咬啲珍珠啊！🙁而且睇真原来入面真系得十片八片小片苹果同埋橙，好似仲隐约见到几粒菠萝，而且似装饰多d，完全食不到，要到最后把盖拆开拮上来食下，成本低得可怕😱竟然卖$33，味道劲普通，好似一杯劲多核的百香果茶，我好后悔叫左大杯，因为我饮到后面真系饮唔哂😭我问同行有在台湾饮过一芳嘅朋友，佢话台湾嘅一芳系劲多水果，而且好香果茶味，都唔使咁贵，香港可能铺租人工等成本令到佢哋将货就价🙄所以我真系好失望😞我决定下次一定要去台湾饮返正宗嘅一芳。
但我真系唔明，如果要在海外开分店所有嘅配方和味道唔系应该要一模一样才叫分店吗？香港的确铺租人工高，这些成本应该一早计算好才决定来开分店吧，如果味道同埋配方完全唔同了而去将货就价，咁根本就唔系原本嘅一芳，开嘅分店只系顶着它原本的名气去欺骗消费者。🙄我发觉唔单止一芳系咁，其他嘅好多间过江龙都好难保持到原本嘅水准😡究竟发生乜嘢事？水准控制不到就别开啊！
————————————————————
环境：7/10
服务：9/10
价钱：4.5/10
食物质素： 5/10
整体：5/10
张贴
