Kiuki Sweet Bakery

营业中

休息中

开心果双苺戚风蛋糕($480/4吋)ღ低糖配方、全天然食材，减肥人士都啱食ღ口感丰富，几种唔同嘅口感ღ 不太甜同吃得轻盈我迷上左呢期大热既开心果呀，咁岩系IG见到间蛋糕小店推出开心果蛋糕，亦系因为呢张图吸引到我即刻比钱，订嚟庆祝朋友生日。IG店出Post话系用意大利西西里岛既开心果调配低糖忌廉，连夹心部份既Mousse都系用低糖配方，我就兴奋了!!!食完都无咁有罪恶感😆面层用焦脆原粒杏仁作点缀，果仁香气，咬落香甜脆口，令到蛋糕唔净系得软绵绵嘅口感。外层包住开心果忌廉，入口幼滑，重点系个味道，so far暂时食过蛋糕嚟讲，开心果果仁味最浓郁，佢唔系𠮶种甜嘅味道，而系真系有果仁既香味。卖相非常简单，但暗藏细节，细细个蛋糕入面原来有好多层次，店长用唔同材料配搭出唔同既味道，再加不同口感的食材，令每一啖都好丰富。内层系用草莓造成湿软松软的草莓戚风蛋糕，戚风蛋糕中间分别夹杂了开心果麻糬和红桑子慕丝。麻糬烟韧又够软，口感一流。红桑子慕丝略带酸，中和蛋糕甜腻，真系食到又甜，又微酸嘅味道。慕丝用低糖配方制成，还吃出粒粒红桑子，好fresh，再令到口感进入下一个层次。