影片
更多
2018-10-17
39 浏览
因为系观塘返工嘅关系，所以多咗在观塘区觅食，除咗之前lunch 会四周围食向大家推介左唔少观塘嘅餐厅之外，今次我晚餐都尝试一下观塘揾下好嘢食😋开源道系我每日返工必经嘅道路，两边嘅工厦楼上有好多唔同嘅隐世餐厅，今次我去食嘅呢间系一间喺开源道的西式餐厅，不过位置都几隐蔽，要行入停车场再夹搭电梯上去二楼。虽然在旧式工厦入面，但系当一推开门果下真系别有洞天，真系好似施咗魔法进入咗第二个世界咁，呢个魔膳厨房世界入面灯火通明，装饰摆设都好精致，就像一间在尖沙咀铜锣湾可见到的西餐厅，空间较大，楼底较高唔会有咁多人咁嘈，可以静静咁食餐饭都唔错。佢嘅晚餐Menu选择非常多，花多眼乱嘅情况之下我哋拣咗呢佢哋自家制嘅海胆汁海鲜意粉（$178），同埋墨西哥香辣烧猪肋骨配疯薯（$178），另外佢每位$38就可以任食沙律吧，我哋当然有加到😝首先我哋出去沙律吧攞嘢食，佢沙律吧选择都算正常，有10几款，都系啲基本嘅款式，我同朋友狂拎佢嘅啫喱同埋新鲜生果😂生两个餐之前佢会有餐包同埋餐汤送上， 餐包软熟，餐汤我哋拣咗黑松露忌廉蘑菇汤，都算足料味道都唔错。跟住就上主菜，我通常去西餐厅都钟意点猪肋骨，大大盘墨西哥香辣烤猪肋骨
开源道系我每日返工必经嘅道路，两边嘅工厦楼上有好多唔同嘅隐世餐厅，今次我去食嘅呢间系一间喺开源道的西式餐厅，不过位置都几隐蔽，要行入停车场再夹搭电梯上去二楼。
虽然在旧式工厦入面，但系当一推开门果下真系别有洞天，真系好似施咗魔法进入咗第二个世界咁，呢个魔膳厨房世界入面灯火通明，装饰摆设都好精致，就像一间在尖沙咀铜锣湾可见到的西餐厅，空间较大，楼底较高唔会有咁多人咁嘈，可以静静咁食餐饭都唔错。
佢嘅晚餐Menu选择非常多，花多眼乱嘅情况之下我哋拣咗呢佢哋自家制嘅海胆汁海鲜意粉（$178），同埋墨西哥香辣烧猪肋骨配疯薯（$178），另外佢每位$38就可以任食沙律吧，我哋当然有加到😝
首先我哋出去沙律吧攞嘢食，佢沙律吧选择都算正常，有10几款，都系啲基本嘅款式，我同朋友狂拎佢嘅啫喱同埋新鲜生果😂
生两个餐之前佢会有餐包同埋餐汤送上， 餐包软熟，餐汤我哋拣咗黑松露忌廉蘑菇汤，都算足料味道都唔错。
墨西哥香辣烤肋骨配脆疯薯
$178
2 浏览
0 赞好
0 留言
跟住就上主菜，我通常去西餐厅都钟意点猪肋骨，大大盘墨西哥香辣烤猪肋骨分量十足，两个人食真心足够。肋骨应该先俺了一段时间相当入味，加上独特香辣酱再烧，非常惹味。肉质算嫩，亦都容易切！烧得啱啱好唔会太干亦都容易甩骨，配埋个脆薯净系食呢份餐都几满足。
自家制海胆汁海鲜意粉
$178
5 浏览
0 赞好
0 留言
跟住另一个海胆汁海鲜意粉我都几钟意，摆盘几精致，我哋都觉得个海胆汁的几特别，因为第一次试，其实都系只酱入面有海胆同埋忌廉味道，颜色几靓而且味道唔会太腥，配合埋其他丰富嘅海鲜，好似有虾青口鱿鱼等等，成个意粉一个字「鲜」可以概括！
呢间西餐厅以环境来讲都几适合情侣或者一班朋友上嚟聚餐，食物质素亦都唔差，虽然慢慢开始越夜越多人，但可能空间足够嘅关系，一班人倾计都唔会觉得好辛苦，起码唔使好似出面食饭同其他枱斗大声咁先🤣
——————————————————
店名：魔膳厨房
环境🏝：8/10
服务💁🏼♀️：7/10
价钱💰：6/10
食物质素🍝：8/10
整体🙆🏻♂️：7/10
地址:
观塘开源道77号业发大厦一期2楼D室
#吃货玩乐在观塘
#吃货玩乐
#魔膳厨房
张贴
