錦麗 (世貿中心) (已結業)

今日试近期好红嘅锦丽Phở，朋友话佢地嘅越南牛河造得相当出色，特别系系越南河粉好少出现嘅「牛丸」，朋友话食过一次就会爱上，锦丽好细心，知道食客想一次试晒佢地嘅牛肉，就出现咗呢款三𩠌「锦丽综合粉」！太好啦～咁就可以一次过试晒佢地嘅牛，朋友就继续食佢嘅至爱嘅「锦丽牛丸粉」，点餐之后，待应会拎一杯配料，要留意枱上有张小贴纸教点食越南河会更好味，当牛河上枱嘅时候，先饮一啖汤，汤超清甜充满牛味，然后放配料，跟住就开始食牛，三款肉中，牛丸真系冠军！太好味啦！生牛肉肉质较厚，美道唔错，熟牛肉其实系牛腩，大大件，煮得好入味，不过比起熟牛肉同生牛肉，牛丸系无敌，我地仲嗌咗两款小食，都好好味！大家快啲去试下啦！