保家山 (已結業)

《📍保家山Burga saan食評》by@ihungry.hk登登登…. 櫈！觀塘食好西又嚟喇🆗！小編為您發掘位於觀塘駱駝漆大廈嘅保家山Burga saan @burger.saan，餐廳充滿簡約工業風嘅設計，主打香港製造嘅高質手工漢堡、薯條同埋意粉等，連醬汁都係自家特製，仲要低至$3就可以試到自家特製薯條，咁有誠意梗係要試下喇🥳！🔸『"葵"手工和牛漢堡(山葵醬汁) - $111』▶️配牛油薯條及可樂（薯條加$3）手打而成嘅和牛漢堡非常厚，並且非常Juicy，咬落口有濃濃和牛香氣，再搭配自家特製山葵醬汁😎，溫和葵口辣味為漢堡增添滋味，亦都完美中和咗和牛漢堡嘅膩，令小編食唔停口。和牛漢堡再搭配新鮮蔬菜，多層滋味湧上口，好好味啊🥰！牛油薯條🍟熱辣辣送上，香脆耐嚼口感再帶啲牛油香氣，仲要只需加$3就可以試到，絕對係超高CP值👍👍👍！🔸『"藍"手工和牛漢堡(藍芝士醬汁)- $108』▶️配沙律及可樂好香濃嘅藍芝士醬汁，充滿超濃嘅芝士味🧀，加上充滿濃濃和牛香氣嘅和牛漢堡，重口味人士必點，亦都啱晒中意食芝士嘅朋友仔！沙律上🥗嘅蔬菜十分新鮮，而特製醬汁就較酸，中和咗芝士和牛漢堡嘅油膩，亦都令小編更加之開