影片
更多
2024-06-06
407 浏览
好可能系香港极少数嘅正宗穆斯林餐厅之一，而且价廉，根本唔需要去试𠮶啲打响其炮嘅中港式巴基咖喱餐厅，帮嚫呢间小店已好足够。嚟呢度嘅诱因系睇到一款咖喱嘅相，好似干咖喱咁好吸引又少见。本身对巴基咖喱其实有啲却步，但试完返嚟系觉得值嘅。某日，一支公铲过嚟menu都冇睇就直接show张相俾厨师话我想要呢款，得知原来系咖喱鱼嚟。【 Fish Curry 】一上菜，觉得卖相同张相有出入，实物比想像中湿，味道就好好彩系啱口味！事关港式咖喱（连锁．茶记）其实某程度上同巴基咖喱类似，可能只系一线之差，港式咖喱我真系完全唔得。去到埋单先知原来俾咗碟普通咖喱我，所以今次算好彩系啱食，唔同真系正宗关系？【 Masala Fish Curry 】一种坚持，上次食错咗要尽快食返啱，今次老鬼都要叫Masala Fish，只系贵$5。卖相：Yeah〜〜系呢款喇！靓仔得多！味道：冇咁水稀，又冇咁油，但原来唔系干咖喱，味道当然好过普通咖喱，但又未至于成条街咁大分别，咁我只可以讲似乎普通版已经算唔差。讲就咁讲，日后仲会唔会争𠮶五蚊叫返普通版碟咖喱吖？！梗系永远 Masala 啦！鱼肉系剁碎晒嚟上好似小朋友饭𩠌咁，但呢度啲咖喱
嚟呢度嘅诱因系睇到一款咖喱嘅相，好似干咖喱咁好吸引又少见。本身对巴基咖喱其实有啲却步，但试完返嚟系觉得值嘅。
某日，一支公铲过嚟menu都冇睇就直接show张相俾厨师话我想要呢款，得知原来系咖喱鱼嚟。
【 Fish Curry 】
Curry Fish
$60
48 浏览
0 赞好
0 留言
【 Masala Fish Curry 】
Masala Fish Curry
$65
56 浏览
0 赞好
0 留言
卖相：Yeah〜〜系呢款喇！靓仔得多！
味道：冇咁水稀，又冇咁油，但原来唔系干咖喱，味道当然好过普通咖喱，但又未至于成条街咁大分别，咁我只可以讲似乎普通版已经算唔差。
讲就咁讲，日后仲会唔会争𠮶五蚊叫返普通版碟咖喱吖？！梗系永远 Masala 啦！
鱼肉系剁碎晒嚟上好似小朋友饭𩠌咁，但呢度啲咖喱本身已有基本辣度，如果再叫spicy应该真系几辣下。
Roti 就好干身适合配任何咖喱。
咖喱价钱已包2 x Roti，亦可转Basmati。咖喱份量唔算大兜，若然唔够饱问题不大，总有一款小食啱食嘅，有啲仲系几蚊件真系冇得投诉嘅。
呢度亦有水饮，唔驶主动问又或者要收$，用水机斟就仲系冻𠻹，解辣一流。
一向去食印巴咖喱好少会特登食鱼，但呢度竟然成为咗先食鱼嘅餐厅。
题外话/补充资料：
人性化嘅感动价钱造就出情感咖喱，加上穆斯林干净处理食材嘅宗旨可放心食用。
体会到𠮶种非谋利服务精神真系冇可能唔支持。
(以上食记乃用户个人意见 , 并不代表OpenRice之观点。)
张贴
