好運印尼餐廳

营业中

休息中

虽然望落个名觉得好「唔印尼」、但佢系一间独立経営嘅印尼餐厅、唔知系咪位置问题要特登行上嚟嘅关系、真系indie到晚饭时间都差唔多冇客、虽咁样对餐厅唔好、但就可以卡位任坐静静地孤独进食。环境几好、装潢都几靓又自然、有啲特色小音乐、但可能楼底高、唔开大啲冷气会觉得好热呢下扣一扣环境分。叫咗【印尼炒面】&【加多加多】炒面明显带甜味、配料亦算够又有菜、但冇乜镬气炒味。炒面呢款食物定位算系叫庶民美食、但都卖成＄80拉低晒CP值。加多加多都多杂菜尤其虾片、但个灵魂酱就好淡、吊唔出啲乜味、成碟冇乜味。总括两款食物只属soso。呢日用餐店员服务体验就非常好。睇Google相呢间原来攞过米芝莲、餐牌都有啲比较印尼嘅食物、除非其他食物真系标青、否则以今日叫呢两款为基准、咁样都可以被列入米芝莲令人极费解、所以我从来都唔会信呢啲所谓联盟标准。难得系一间独立舖、希望佢哋可以再钻研多啲美味食谱。