関東酒場 (已結業)

泥到星期五当然要同朋友happy hour 今晚去左大角嘴try try 清酒放题，绝对岩哂酒鬼去。价钱唔贵，够亲民，饮返几杯已经番到本。入面装修超有日本风，以唔同清酒做装饰，好似去左日本咁，都有主打串烧，所以都几大油烟。佢两小时日本酒放题分2款:“竹”$348或“松”$388/位。而每一款放题都包特选酒类放题+3款关东煮+1份前菜+1客轻食日式乌冬.“竹”既日本酒放题主要以啤酒/生啤及日本清酒为主,而“松”就多左日本既果物酒可以选择 (点“松”亦可以内“竹”内既酒类)。选择左放题套餐后，店员会送上sake杯比你拣，等你可以慢慢品尝。首先店员都会奉上两杯浓浓既白鸡汤，关东煮既配料选择好齐全，推介必点大根同福袋，能完成将汤索哂入味。另外佐酒小食都十分多选择，个炸秋刀鱼好香脆，配上日本啤酒，一流享受。另外我地都点了果物串烧配上清酒，有苹果同菠萝豚肉串，好好味。野食选择多同清酒放题，满足哂唔同要求！