影片
更多
2020-03-09
1380 浏览
而家嘅海港城少左内地客，晚上可真多左一份宁静，真系要趁呢个历史性嘅时刻行返个圈，事关大家都话自从呢几年海港城被内地客占领，都唔系太想黎，倒不如去Elements想食泰菜我会建议呢间Blue Elephant，有宫廷式嘅优雅设计，亦有海景嘅衬托，整体环境相当唔错，卫生仲几好添。香茅炸虾饼（$98/全份）- 虾饼比较有特色，由于加左香茅，出奇地好食，而虾饼更系非常爽口弹牙，虾味浓郁。慢煮烤排骨（$168）- 排骨以慢煮方式炮制确实与别不同，肉质极之细腻，嫩滑而有丰富肉汁，肉味香，有少少似高级版嘅叉烧。马沙文咖喱配羊肉（$238）加油松饼（$38/2件）- 咖喱都几出色，偏向马来风味，微辣且奶滑，椰香味突出，小锅内满是羊腩粒，确实系「庙细灯笼大」，配富奶油香嘅油松饼的确美味。猪颈肉炒饭（$148）- 炒饭炒得唔错，饭粒够干身唔会太湿，酱油调味都调得唔错，仲有唔少猪颈肉，都几有肉香，几好食。最后，眼见香港的海港城慢慢变成唔属于香港人的一个商场，确实可惜！
想食泰菜我会建议呢间Blue Elephant，有宫廷式嘅优雅设计，亦有海景嘅衬托，整体环境相当唔错，卫生仲几好添。
香茅炸虾饼（$98/全份）- 虾饼比较有特色，由于加左香茅，出奇地好食，而虾饼更系非常爽口弹牙，虾味浓郁。
慢煮烤排骨（$168）- 排骨以慢煮方式炮制确实与别不同，肉质极之细腻，嫩滑而有丰富肉汁，肉味香，有少少似高级版嘅叉烧。
马沙文咖喱配羊肉（$238）加油松饼（$38/2件）- 咖喱都几出色，偏向马来风味，微辣且奶滑，椰香味突出，小锅内满是羊腩粒，确实系「庙细灯笼大」，配富奶油香嘅油松饼的确美味。
猪颈肉炒饭（$148）- 炒饭炒得唔错，饭粒够干身唔会太湿，酱油调味都调得唔错，仲有唔少猪颈肉，都几有肉香，几好食。
最后，眼见香港的海港城慢慢变成唔属于香港人的一个商场，确实可惜！
张贴
