明興石磨腸粉

营业中

休息中

呢间良心小店一直系附近居民同上班族既早午餐之选，但点解唔系晚餐之选呢？系因为佢地既自制米浆通常下午前已经卖哂，如果有时我晚餐轻食都想会想拣佢😝 位置就系一条小巷既入口，红色招牌几抢眼😍望住佢地既菜牌都几花多眼乱，样样配搭都好吸引。今日我就简单食返个招牌肠粉加两只自制饺子。 今次我食招牌肠粉，望住佢将米浆倒上抽屉，再洒下满满既材料，已经分泌出口水，简单蒸几分钟就出炉，辣度可以自由调节，淋埋酱汁就好香🤭 返到位打开盖，蒜香已经冲出黎，先食一啖无乜酱汁既肠粉，有淡淡既米香味。再捞一捞黎黎食，惹味酱汁衬托下，肠粉嗖嗖声就吸入哂口入面😋 饺子系韮菜馅，唔算好多料，但系好够味既。下次要再试埋唔同款既肠粉先。