影片
更多
2022-02-14
2015 浏览
很早已听闻过这一家豆乳店，从一啲「沙田友」嘅食友所讲，佢哋最初铺仔细细，只卖豆乳（豆浆）同豆花，搞吓搞吓发展埋多元嘅甜品。最近经过乐富广场，偶然发展原来呢个「狂人」开到出嚟市区，相请不如偶遇，加上老婆本身几钟意大豆类产品，我哋屋企都有部豆浆机，又不时以豆制品入馔，故此就试试佢哋嘅手势，买啲外卖返屋企试吓。由于禁咗晚市堂食，铺前已加咗围栏禁止内进，所以，只好晌铺前影张店内全景，留个记录，其实，餐厅嘅装修都几骨子，睇起嚟都几阔落，木地板配以浅木色系嘅家俱，感觉舒服清爽。再望入啲，右边橱窗内有一大组制豆乳嘅机器，好有规模，占几多空间，绝对唔喺得个摆字，相信豆乳都喺即场制作，可惜未能入内参观。既然叫得「豆乳狂人」，无论食物抑或嘢饮，都以豆乳为主轴，如7.6特浓豆乳系列、豆乳茶、豆乳奶盖、桃胶系列、芋泥系列、狂人豆花、三色芋圆，选择非常之多，此外，仲见佢有提供一啲咸食，如狂人小食、狂人栥饭，以吸引唔同时段嘅客人去帮衬，增加多啲收入，令餐厅嘅食物供应更全面，所以，咩时候嚟都合适！选择实在太多，结果，样样都拣啲，嘢食又试试，甜点又试试，咸点又试试，睇吓各样嘢嘅质素喺点！仙草豆乳 $28日本嘅3.6牛
由于禁咗晚市堂食，铺前已加咗围栏禁止内进，所以，只好晌铺前影张店内全景，留个记录，其实，餐厅嘅装修都几骨子，睇起嚟都几阔落，木地板配以浅木色系嘅家俱，感觉舒服清爽。
再望入啲，右边橱窗内有一大组制豆乳嘅机器，好有规模，占几多空间，绝对唔喺得个摆字，相信豆乳都喺即场制作，可惜未能入内参观。
既然叫得「豆乳狂人」，无论食物抑或嘢饮，都以豆乳为主轴，如7.6特浓豆乳系列、豆乳茶、豆乳奶盖、桃胶系列、芋泥系列、狂人豆花、三色芋圆，选择非常之多，此外，仲见佢有提供一啲咸食，如狂人小食、狂人栥饭，以吸引唔同时段嘅客人去帮衬，增加多啲收入，令餐厅嘅食物供应更全面，所以，咩时候嚟都合适！
选择实在太多，结果，样样都拣啲，嘢食又试试，甜点又试试，咸点又试试，睇吓各样嘢嘅质素喺点！
仙草豆乳 $28日本嘅3.6牛乳就听得多，亦都饮过，而7∘6特浓豆乳（唔喺7.6呀）就真喺要见识吓，试吓有几浓。以威士忌形樽仔已经好有型，一支份量都有几多，里面有唔少滑嘟嘟嘅仙草，而豆乳果然好浓郁，豆味强劲，店员更讲话除用非基因改造黄豆嚟整之外，更话本身喺无糖，并附送一小盒糖浆，之但喺饮落又OK㖞，唔加糖浆都带少少甜味，啱晒老婆嘅少甜喜好。
焙茶珍珠小丸子 $42小弟就较钟意茶味嘅饮品，所以，试咗呢一樽焙茶，好耐之前，晌一家台饮店都见过呢一种罐装式拉环设计，唔怕会倒泻出嚟，安全又方便。个焙茶混合豆乳，味道、质感又几唔错㖞，茶味几芳香，渗出阵阵豆味；里面有好多珍珠同小丸子，大概有1/4樽，饮完好饱肚，而珍珠好似有啲未煮得够透，但小丸子就好烟韧。
狂人栥饭 $32豆浆配粢饭，喺老婆嘅浪漫，所以，拣个平平咃嘅栥饭嚟试，拎上手就好坠手啦，好够份量，拎到返屋企仲热烘烘。打开，仲有一层保鲜纸包住，够卫生，切开成两边，好足料、好扎实，里面塞满油炸鬼、肉松及榨菜，入口糯米好黏糯，唔黏牙，而榨菜明显处理过，无过咸嘅毛病，加埋啲油炸鬼同肉松，口感丰富。
狂人栥饭
$32
11 浏览
1 赞好
0 留言
芋泥桃胶小丸子 $45
听友人嘅推介，店家嘅甜品都颇有卖点，所以，亦试咗一款甜点，而老婆几喜欢芋泥，就晌芋泥系列下手，呢一款就够晒正啦，有芋泥、桃胶、小丸子，原来仲加有豆乳，一整兜装得满满，里面芋泥、桃胶、小丸子都有好多，真喺无欺场。啲芋泥搓得好绵密软滑，桃胶就充满爽口，小丸子就保持一贯咬口感，整体确喺有几好多，我哋两公婆「些牙」都好够。
老友嘅推介果然无错，各式嘅豆乳产品又确喺与众不同，颇有亮点，怪不得轮候期间，见到唔少人买外卖返屋企食，实行与屋企人「乳」众同乐。
张贴
