更多
2023-07-02
1579 浏览
朋友小手术在即,所以,今晚相约出嚟唔止聚一聚,更喺术前壮壮声威,预祝手术顺利。所以,今次就唔想食得太普通,走远少少过到嚟鲗鱼涌,一试呢间隐世小店「二十道」,喺住喺东区嘅食友极力推介,同我讲包有惊喜,就睇下坚唔坚! 门面细细,又唔起眼,差啲行过龙都唔知道,而踏进餐厅,L型吧枱位,一眼睇晒只有9个位,对住师傅做菜,做起嘅菜式直接交俾客人,更可以同师傅直接互动交流。由于地方细细,不时都会有人包场,所以,嚟之前最好先问问,避免摸门钉。全店木系装修,配以柔和灯光,墙上挂满好多木制食物牌,一派居酒屋风格,让人甚有晌日本小店嘅感觉。值得留意嘅喺,细心一睇墙身做成一节节不规则嘅竹纹,非常有心思,此外,每种餐具、盛器都好靓、好骨子,值得再多欣赏一下。 友人话店名嘅英文「niju」有「双重」嘅意思,所以,你见门面都写住「Ramen x Izakaya」,即拉面× 居酒屋,但中文名「二十道」,又有何意呢?背后墙上就有解说,包含「五味」、「五色」、「五法」及「五度」,非常之有意思。 食物方面,先介绍下个主餐牌,有拉面套餐,有二人套餐,仲有多款散点菜式,更有3款怀石料理套餐,不过,温馨一提,需1天前预订,以便预
小弟算食过唔少菇菌,「绣球菌」我都喺第一次听,当然亦喺第一次见,乳白色嘅外貌,带点光泽,垫上少少火箭菜做衬托,卖相已经几唔错。食落口感爽爽地,但又柔韧得嚟有啲弹性,带微微嘅菌香,菌味属于温和,都几得意。
油醋绣球菌
$48
42 浏览
0 赞好
0 留言
呢度前菜卖相简直喺一件艺术品,睇到嘅层次更加喺心机作,师傅更话喺每日限量出品,可遇不可求,食到喺你有运。底层喺日本带子刺身,软腍鲜甜,中层喺橙味啫喱,清甜盎然,面层则配上日本赤虾刺身,可谓鲜味尽出,所以,一啖放入口,无论味道还是口感,都喺环环相扣,多变而有惊喜。
青橘啫喱帆立贝配赤虾
$44
11 浏览
0 赞好
0 留言
又喺第一次试嘅食材,如果唔喺师傅介绍,真心以为喺加拿大嘅翡翠螺,只差喺色泽偏灰白,唔似翡翠螺有层绿色;而白梅贝多数做为熟食,较少用作刺身,咬落去肉质爽弹却有咬口,味道清甜而没会有苦涩味。
食咗几款所谓生冷嘢,跟住来一道热焫焫新鲜炸起嘅茄子天妇罗,通常做天妇罗嘅茄子都喺切片多,但今次啲茄子就角切,尺寸切到一口一粒,好方便食。炸出嚟嘅效果,粉浆好薄,入口不油,茄子好软身,洒上少少七味粉就更加好食。
烘暖咗嘅竹炭法包,入口外脆内暖,亮点更喺涂上一层清香嘅无花果酱,其实味道已经好唔错,再放咗少少 日本甜辣椒,微微辣,有种画龙点睛之效,味道有咗化学变化,确喺几得意。
最后,梗喺食番个海鲜丼垫垫肚,师傅介绍喺话个海鲜丼选用咗多款时令刺身,计有鲷鱼、带子、蟹籽海老、油甘……等等,再加埋玉子、萝卜渍,就连芥末都喺由新鲜山葵研磨制作,令到卖相色彩缤纷,非常靓仔,而且份量非常十足,绝无欺场。果然好好食,丼饭当然用上日本米,更加咗赤醋,令其更具风味。
熟成刺身丼
$98
14 浏览
0 赞好
0 留言
张贴