影片
更多
2018-10-14
8136 浏览
妈妈今晚要食素，而家嘅素食餐厅越开越多，但走肉朋友今期嘅主题「京•川•沪篇」就好吸引我，所以我就拣咗呢间同妈妈去食我觉得食嘢唔单要饱足，仲要令人满足！素食唔代表淡而无味，真心超推荐呢间，食物水准相当出色，款式特别而且选择多！完全超出预期😍多到我都就黎食唔晒😂有冬瓜做嘅东坡肉、素狮子头、上海炒年糕、素贵妃鸡⋯素回锅肉竟然真系做到猪皮嘅口感！吾讲都唔知以为自己真系食紧烧腩肉，不过明显系低油低脂健康版😏妈妈问我系咪真系素食??😂做到咁真嘅?大赞做得出色xd油炸鬼做嘅糖醋排骨，卖相同味道都神似，不过我就觉得偏甜左少少。担担pizza🍕其实食完我先知道原来佢喺仿担担面😝我净系见到好多芝士就夹左，第一啖真心有惊喜！系花生酱嘅味道!!!仲有粒粒花生同芝士，马上冲去夹多块！批底又薄又香脆，完全超水准!!香酥鸭系用一层芋头泥加一层豆腐干整成，外皮酥脆，芋泥软滑咸香，豆干有口感，成个配搭好掂！菠菜脆脆卷出乎意料好食！本身纯粹系想试吓，但估唔到系食完又会再encore嘅一件！外皮软绵带咸香，同入面嘅生椰菜形成对比，仲有啲沙律酱增加味蕾冲击，味道清爽唔腻，我个人觉得甚至比坊间墨西哥卷更好食！煎酿三宝入面嘅煎茄
有冬瓜做嘅东坡肉、素狮子头、上海炒年糕、素贵妃鸡⋯
素回锅肉竟然真系做到猪皮嘅口感！吾讲都唔知以为自己真系食紧烧腩肉，不过明显系低油低脂健康版😏妈妈问我系咪真系素食??😂做到咁真嘅?大赞做得出色xd
油炸鬼做嘅糖醋排骨，卖相同味道都神似，不过我就觉得偏甜左少少。
担担pizza🍕其实食完我先知道原来佢喺仿担担面😝我净系见到好多芝士就夹左，第一啖真心有惊喜！系花生酱嘅味道!!!仲有粒粒花生同芝士，马上冲去夹多块！批底又薄又香脆，完全超水准!!
香酥鸭系用一层芋头泥加一层豆腐干整成，外皮酥脆，芋泥软滑咸香，豆干有口感，成个配搭好掂！
菠菜脆脆卷出乎意料好食！本身纯粹系想试吓，但估唔到系食完又会再encore嘅一件！外皮软绵带咸香，同入面嘅生椰菜形成对比，仲有啲沙律酱增加味蕾冲击，味道清爽唔腻，我个人觉得甚至比坊间墨西哥卷更好食！
煎酿三宝入面嘅煎茄子又系十级正，又香口又软腍，中间仲要夹住一层仿鱼肉嘅素饼，食得出有粉葛、豆腐，好特别，一出炉就会去夹夸张到我妈妈叫我唔好夹咁多，怕我食到惊
芝士葡汁焗蔬菜呢款绝对会令芝士迷失控！本身葡汁焗蔬菜已经好香，仲要加上无敌多嘅拉丝芝士，双重滋味，食完又再食！
皮蛋肉松豆腐上面嘅肉松真系好真好好食！
紫米馒头入面有烟韧嘅紫米、糙米，超有咬口！但就觉得馒头干身左啲><
估唔到食素都有咁多甜品食😍甜品控一定唔会失望✌🏻
紫薯蓉天然无添加，味道香甜，混入姜丝、苹果粒，令到口感更加特别！仲有迷你脆筒可以俾你放紫薯蓉变食雪糕🍦个cone都系极香脆👍🏻木桶豆腐花豆味香，口感滑，唔落糖已经好好食💕！
焗椰蓉蛋糕味道偏甜左少少，但口感都系相当唔错，食到啖啖椰丝！
南瓜西米露入面系大粒嘅西米，口感淋淋的增加下口感，重点系南瓜味好香好突出，饮咗两碗表示好满足😝
其实唔止咁少野，仲有大大个沙律吧，只不过太多嘢食，我都唔得闲食佢😂今晚真系食得好满足，食物水准高，卖相好，味道更好！餐厅refill速度又快，食素都可以咁有惊喜，令人意犹未尽😋而且一百几蚊位，价钱超抵食，绝对可以再encore！
餐厅无加一服务费，大家记住食完自己收碗碟
张贴
