影片
更多
2021-04-19
2104 浏览
原本，旧年嘅四月真喺安排咗一次西班牙之旅，由巴塞隆拿入，玩埋华伦西亚，最后马德里走，可惜，一场新冠令行程泡汤，虽然依家已有疫苗，但外国仲有不少地方疫情反覆，甚至颇严重，所以，真喺唔知几时先有得飞。寻找番旅行感，当然周六、日周围行吓，亦参加过本地游，连Staycation都玩过吓，如果想感受吓西班牙风情，当然要擦番餐西班牙菜。旧年疫情严竣，就试过一次外送西班牙菜，今回就同老婆嚟到「Iberians」（伊比利亚人）再次感受一下西班牙菜滋味。餐厅以深灰作为主调，有一份神秘感，再走进餐厅内，配合墙上嘅壁灯，却可以幻想一下自己身处西班牙一啲小酒窖之内。地上的拼花阶砖，可以说是室内装修嘅亮点，配以深啡色嘅木枱，带住一些原始味道，整体而言，又嚟得简洁。此外，整个地方都颇大，但明显却无话用尽每吋空间用嚟摆餐枱，所以，甚具空间感。未讲有啲咩食，就真喺要先讲讲啲餐具，尤其啲餐碟，无论用餐嘅餐碟，抑或载食物嘅餐碟，都非常之靓，色彩夺目，图案细致，而碟边嘅齿纹唔喺画上去，真喺有啲凹凸感，似喺人手手工做嘅出品。餐牌嘅用色如有睇开波嘅人一望就知喺西班牙国旗嘅颜色，红衬黄，西班牙菜最大卖点就喺西班牙式小食（Tapa
餐厅以深灰作为主调，有一份神秘感，再走进餐厅内，配合墙上嘅壁灯，却可以幻想一下自己身处西班牙一啲小酒窖之内。地上的拼花阶砖，可以说是室内装修嘅亮点，配以深啡色嘅木枱，带住一些原始味道，整体而言，又嚟得简洁。此外，整个地方都颇大，但明显却无话用尽每吋空间用嚟摆餐枱，所以，甚具空间感。
未讲有啲咩食，就真喺要先讲讲啲餐具，尤其啲餐碟，无论用餐嘅餐碟，抑或载食物嘅餐碟，都非常之靓，色彩夺目，图案细致，而碟边嘅齿纹唔喺画上去，真喺有啲凹凸感，似喺人手手工做嘅出品。
餐牌嘅用色如有睇开波嘅人一望就知喺西班牙国旗嘅颜色，红衬黄，西班牙菜最大卖点就喺西班牙式小食（Tapas），而呢度提供嘅西班牙小食共有18款之多，定价为$48-$138，正所谓丰俭由人。
翻去后页，就喺晚市所提供嘅菜式，大类分为沙律、意大利面或饭品、主菜。店员话，由于刚开业不久，暂未有酒牌，如领有酒牌后，会提供不同嘅酒类饮品，以及更多其他嘢饮。而点选意大利面、饭品、主菜，都会奉送餐饮，虽然叫餐饮，但唔喺一般茶啡，小弟最后就拣咗一杯鲜奶咖啡细尝。
巴马火腿配哈密瓜 $78西班牙食材嘅名物中，伊比利亚黑毛猪火腿喺其中之一，餐厅有提供36个月熟成嘅火腿，但怕老婆未必太接受到，因为都会颇油润，拣巴马火腿配哈密瓜就应该啱到佢口味。店员介绍时话火腿喺16个月，但一啲都唔失礼，色泽闪亮富光泽，入口咸香而带点油润，配以哈密瓜嘅天然清甜，果然好夹。伴碟仲有少少青橄榄、黑橄榄，少有哋唔会好咸㖞！
巴马火腿配哈密瓜
$78
8 浏览
1 赞好
0 留言
加利西亚𫠒鱼 $58以往都食过好几次以𫠒鱼为主角嘅西班牙小食，大多数都喺冻食嘅菜式，但今次呢款就改为以半煎炸嘅烹煮方式嘅热食，并以小铁镬为盛载器皿。𫠒鱼粒入口喺估唔到嘅软腍，却不失咬口，而面头落咗大量新鲜自家制嘅蕃茄蓉，酸香而非常搭配；垫底嘅仲有炸香咗嘅薯仔片，同样好食。
加利西亚𫠒鱼
$58
15 浏览
0 赞好
0 留言
法包配西班牙红椒、肠、牛肉 $78 小弟食西班牙菜话多唔多，话少亦唔少，但不时见啲西班牙小食都好钟意用法包入馔，配蟹肉呀、腌白银鱼呀……等等。今次选上呢一款就帕德龙辣椒配西班牙肉肠、西班牙红甜红椒蓉配牛肉。做得好精致，前者辣椒喺唔辣嘅，好爽脆香口，肉肠咸香惹味；而后暂再垫咗少少焦糖化嘅炒洋葱，有份香甜感，而西班牙甜红辣出晒名，喺特别鲜甜，牛肉质感软滑，配以法包，一口一件，非常好食。
法包配西班牙红椒、肠、牛肉
$78
13 浏览
0 赞好
0 留言
西班牙海鲜炒饭 $398主食就喺经典嘅西班牙海鲜饭，睇落颇正宗，以「大镬饭」奉客，面头放咗唔少海鲜食材，有大虾，甚至加咗只深海海螫虾，够晒型，此外仲有青口、大蚬、鱿鱼及较少用上嘅新鲜黄花鱼，可谓甚有睇头。而呢个份量，大概可以预2-3人享用。
西班牙海鲜炒饭
$398
35 浏览
0 赞好
0 留言
鲜奶咖啡（免费） 上文都提及过点选主菜就会奉送餐饮，拣咗杯鲜奶咖啡，其实，打底都唔会有太高期望，话田呢度喺卖西班牙菜，并非咖啡店，但出奇都有水准。唔止拉花唔失礼，入口咖啡味香醇，而且，口感好均匀，完全唔使揽之下，每口都喺柔滑一致。
西班牙菜除小食有特色之外，其实佢哋嘅甜品都颇有卖点，店家就提供咗6款西班牙甜点喇。
顺手，俾埋一套新餐具，用作食甜点，而餐碟喺同一系到，绘上细致漂亮嘅花纹，实在赏心悦目。
西班牙油条 $48 讲到经典，就喺西班牙嘅「油炸鬼」喇，唔嗌就好似若有所失咁。油条新鲜炸起，上枱时仲感到其热力，入口就非常香脆，里面就好软绵，并且一啲油腻感都无，淋上即煮嘅朱古力浆后，就份外美味。
加泰罗尼亚焦糖奶冻 $48 翻睇番自己嘅记录，好多年前晌西营盘嘅「Chico Chica」错食过呢一道甜点，当时译「加泰罗尼亚炖蛋」，确实译为炖蛋比奶冻贴切，译奶冻很易让人联想到意式奶冻，但实质唔喺𠮶回事。讲番个甜点，其实个样本身都似法式炖蛋，面头嘅焦糖做得既薄且脆，馅心挺身得嚟好软滑，有蛋香，却多一份浓浓嘅鲜橙清甜香味，确实唔错。
加泰罗尼亚焦糖奶冻
$48
20 浏览
0 赞好
0 留言
临尾，店员仲介绍埋佢哋有提供午餐、下午餐，所以，都影影俾大家做个参考，晌附近开工而喜欢食西班牙菜嘅朋友就不妨去试吓！
西班牙菜确喺有其特别之处，每次食都有惊喜，今次都喺。此外，服务值得一赞，主动换碟、添水，更醒目咁俾只大碗我哋放啲海鲜壳，唔使放到一枱咁「肉酸」，每逢上菜并会详细介绍菜式亮点，否则小弟又点知呢样𠮶样啫，所以，整晚用餐都颇舒服，又学到唔少嘢。可能新开关系，店长不时都询问吓客人嘅意见，对出品态度认真。
张贴
