影片
更多
2019-02-18
99 浏览
星期日咁啱过左上环，见到呢间妈咪鸡蛋仔都几多人排队下，紧系上去下凑热闹啦！身为香港人紧系食过鸡蛋仔啦！最怀念以前推车仔档嘅鸡蛋仔，炭火烧外脆内软，同小食档𠮶啲预整嘅真系冇得比！返嚟正题先！唔知系咪我脱节太耐，呢间妈咪鸡蛋竟然有超多只味！好多都未见过好新颖！有栗子味、粒粒朱古力味、香蕉味、抺茶红豆味呢啲都好正路，但竟然仲有芝士味、麻辣肉松味、黄金鸡蛋仔（咸蛋黄）同紫菜肉松味呢种咸味嘅鸡蛋仔！老实讲我一见到呢几只味真系喺心入面谂「唔系呀嘛......」真系打破左我一贯对鸡蛋仔嘅睇法，咸食真系ＯＫ咩？但眼见咁多人排队就一于抱住勇者心态去挑战一下！见到咸味嘅话黄金鸡蛋仔同芝士味比较多人拣，但我最后都系选择左紫菜肉松味，我怕黄金鸡蛋仔会太腻，所以紫菜肉松味应该系会比较易啲接受。紫菜肉松味三十蚊一份，都尚可接受，因为真系即叫即整，所以都要十五分钟倒，冇计！为左食好野系要负出小小时间。热辣辣拎上手就知系值得嘅，因为拎上手就感觉到一定系脆卜卜嘅！香喷喷卖相一啲都唔差，我冇谂过块紫菜系喺鸡蛋仔中间啲分间到。咬落去第一啖，哗！真系好好味，虽然唔系好食到食神ＭＯＤＥ家燕妈妈咁，但可能因为我抱住勇者心态嘅关系
身为香港人紧系食过鸡蛋仔啦！最怀念以前推车仔档嘅鸡蛋仔，炭火烧外脆内软，同小食档𠮶啲预整嘅真系冇得比！
返嚟正题先！唔知系咪我脱节太耐，呢间妈咪鸡蛋竟然有超多只味！好多都未见过好新颖！有栗子味、粒粒朱古力味、香蕉味、抺茶红豆味呢啲都好正路，但竟然仲有芝士味、麻辣肉松味、黄金鸡蛋仔（咸蛋黄）同紫菜肉松味呢种咸味嘅鸡蛋仔！老实讲我一见到呢几只味真系喺心入面谂「唔系呀嘛......」真系打破左我一贯对鸡蛋仔嘅睇法，咸食真系ＯＫ咩？但眼见咁多人排队就一于抱住勇者心态去挑战一下！
见到咸味嘅话黄金鸡蛋仔同芝士味比较多人拣，但我最后都系选择左紫菜肉松味，我怕黄金鸡蛋仔会太腻，所以紫菜肉松味应该系会比较易啲接受。紫菜肉松味三十蚊一份，都尚可接受，因为真系即叫即整，所以都要十五分钟倒，冇计！为左食好野系要负出小小时间。热辣辣拎上手就知系值得嘅，因为拎上手就感觉到一定系脆卜卜嘅！香喷喷卖相一啲都唔差，我冇谂过块紫菜系喺鸡蛋仔中间啲分间到。咬落去第一啖，哗！真系好好味，虽然唔系好食到食神ＭＯＤＥ家燕妈妈咁，但可能因为我抱住勇者心态嘅关系，咸味嘅鸡蛋仔真系超出我预想！外脆内软唔在讲，因为呢啲应该系鸡蛋仔基本条件，但紫菜肉松味同鸡蛋仔真系几夹，而紫菜同鸡蛋仔两种唔同嘅脆法放埋一齐真系几特别！企定定食晒先走，满足！下次一定会试埋其他味！
紫菜肉松味鸡蛋仔
$30
33 浏览
0 赞好
0 留言
张贴
