影片
更多
2020-12-18
1951 浏览
是日星期六，优游自在同老婆嚟一趟小旅游，先过嚟青衣城睇场戏、食吓饭，再行转短山。事缘都喺有啲戏票赠券就到期，唔用好似好唔抵，最方便就喺过嚟表衣城。戏就拣咗套韩国片「无价之保」，喺催泪嘅剧情片，而食晏主要都喺睇餐厅环境，话晒啲疫情仲喺好劲。睇咗几间，见「101台式休闲餐厅」相对人唔多，而入门右侧角落有啲大卡位，自成一角老婆就觉得用餐最安心。 餐厅内装修精简，加上楼底高，确喺感觉几休闲。一室红白相衬，视觉几醒目，而防疫都做足，防疫间隔嘅透明胶板，够大又够高，呢个元素亦喺我哋会考虑之一，因为见唔少餐厅都做得好松散，「求其」揾块纸板嚟滥竽充数。 我哋所拣嘅一侧卡位，既晌死角位，唔会有人出人入嘅问题，而且，非常阔落，唔太肥嘅人，我觉得可以坐到6个人，而墙上做咗个大书柜作装饰，增加啲文青感。 门口栋咗两块大板，就一眼睇晒有啲咩选择，有各式各样台式肉燥饭、麻辣汤面、田园蕃茄系列、午餐、一人套餐……等等。饮品有加配优惠，不过，好搞笑，所谓午餐，只喺得个主食，嘢饮都喺要俾钱加配。 入乡随俗，啲餐具都好似啲茶记咁，摆晒晌餐枱下嘅柜桶。如果，想要啲热水浸餐具消毒，亦要出去专柜自行搞掂。 虫草花木耳炆鸡饭 $
餐厅内装修精简，加上楼底高，确喺感觉几休闲。一室红白相衬，视觉几醒目，而防疫都做足，防疫间隔嘅透明胶板，够大又够高，呢个元素亦喺我哋会考虑之一，因为见唔少餐厅都做得好松散，「求其」揾块纸板嚟滥竽充数。
我哋所拣嘅一侧卡位，既晌死角位，唔会有人出人入嘅问题，而且，非常阔落，唔太肥嘅人，我觉得可以坐到6个人，而墙上做咗个大书柜作装饰，增加啲文青感。
门口栋咗两块大板，就一眼睇晒有啲咩选择，有各式各样台式肉燥饭、麻辣汤面、田园蕃茄系列、午餐、一人套餐……等等。饮品有加配优惠，不过，好搞笑，所谓午餐，只喺得个主食，嘢饮都喺要俾钱加配。
入乡随俗，啲餐具都好似啲茶记咁，摆晒晌餐枱下嘅柜桶。如果，想要啲热水浸餐具消毒，亦要出去专柜自行搞掂。
虫草花木耳炆鸡饭 $45老婆一向食得健康啲，所以，呢个就比较啱佢，原本佢要少饭，但一样喺俾咁多佢。炆鸡嘅份量都几够足，而且，炆得几香，啲鸡亦几滑㖞，茨汁唔会太浆或太咸，捞饭唔错。喺啲伴菜，白烚嘅椰菜就失色啲，喺快餐店嘅水平。
柑桔柠檬 +$5佢加配咗杯热饮，平常都喺要柠水多，但见有款柑桔蜜配柠檬，热呼呼，好香柑桔味，感觉几唔错。
慢煮田园蕃茄牛坑腩饭 $54原本谂住要咖喱，但知道老婆喜欢蕃茄多啲，咁蕃茄我本身都OK嘅，就睇睇佢啲田园蕃茄做成点。不过，比预期嚟讲，个蕃茄汁底好稀吓，稀到一个程度喺可以当蕃茄汤咁饮，反而，慢煮嘅牛坑腩就真喺几唔错，好软腍，好松化，又好有肉香，相信配个咖喱会比田园蕃茄效果会好啲。
珍珠奶茶 +$5港式饮品或指定嘅台式饮品都喺都要加钱配，当然拣啲相对有特色嘅啦。当中珍珠奶茶最合我心水，佢哋嘅珍珠奶茶其实都几唔错，茶底有茶香，而珍珠QQ有咬口。
食饱饱之后，坐巴士上到长宏邨开始行「青衣自然径」，我哋行开山，所以好快行完。故此，同场加映，行埋对面嘅「青衣细山步行径」，虽然沿途有好多山坟，不过，从呢边望番过去青马大桥，景观阔啲，感觉又好唔一样。
张贴
