悅

营业中

休息中

星期日，同屋企人去饮茶。坐低叫完嘢食，有个短头发女部长攞点心嚟。我地有老有嫩，倾紧偈，冇为意，突然俾佢大喝一声：「你等我摆低埋啲嘢先啦！」然后佢怒啤我地，嘭嘭嘭掉低几笼点心落台。澳牛啲叔叔都温柔过佢。原本我地都谂住算喇，一家人开开心心饮茶。点知佢又返嚟，继续发脾气，趁老人家夹紧𩠌𠮶时转张转台、啲点心上嘅时候又响我地耳边飞过，令人担心安全。终于顶唔顺，同经理投诉，唔好再俾呢个女部长埋我地台。经理好客气，送咗两款甜品俾我地。不过差唔多$300/人饮个茶要一家大细咁受气，真阴功。咁嘅价钱，同一区大把更好嘅选择。