影片
更多
2022-03-20
2139 浏览
又喺疫情下嘅外卖系列，今晚少有地过到嚟黄大仙区，所以，临离开就睇睇有咩好选择。就晌地铁上盖嘅黄大仙中心，行咗一转，有好多餐厅都想试，最后睇啱呢一家「Cityfresh Bistro」，啲嘢食定价唔贵，所以，买啲外卖当晚餐。黄大仙都喺个人流密集嘅地区，不过，呢排疫情持续高企，个市比较静，除返放工，啲人出嚟就喺买外卖。其实，间餐厅装修得几精致，湖水绿衬白，有份小清新嘅感觉，堂食用餐应该感觉好唔错，可惜就禁咗晚市。晌门口已经展示咗好多餐牌，真喺估唔到款式咁包罗万有，唔喺普通一家西餐厅咁简单，以地区而言，中、西、日、韩、星马、意大利、美国菜、德国菜……都有，而以菜式而言，沙律、全日早餐、焗饭、薄饼、乳酪咖喱、意大利饭面、主菜、扒类、叻沙、汉堡、牛角酥、小食、甜品……一应俱全，非常多元化，定价亦亲民，绝对有条件成为街坊饭堂。此外，亦有多款中式小炒嘅家常便饭套餐，款款卖$68，配珍珠白饭及热饮，晌等候期间，亦确喺有唔少人帮衬。当然，除小炒，仲有多款是日精选及豪少少嘅行政套餐，第时方便堂食嘅话，都真喺想试试呢一款行政套餐。顺带一提，餐厅仲兼零售埋件装蛋糕及面包，晌收银柜旁就见到冻柜内仲有多款件装蛋糕
黄大仙都喺个人流密集嘅地区，不过，呢排疫情持续高企，个市比较静，除返放工，啲人出嚟就喺买外卖。其实，间餐厅装修得几精致，湖水绿衬白，有份小清新嘅感觉，堂食用餐应该感觉好唔错，可惜就禁咗晚市。
晌门口已经展示咗好多餐牌，真喺估唔到款式咁包罗万有，唔喺普通一家西餐厅咁简单，以地区而言，中、西、日、韩、星马、意大利、美国菜、德国菜……都有，而以菜式而言，沙律、全日早餐、焗饭、薄饼、乳酪咖喱、意大利饭面、主菜、扒类、叻沙、汉堡、牛角酥、小食、甜品……一应俱全，非常多元化，定价亦亲民，绝对有条件成为街坊饭堂。
此外，亦有多款中式小炒嘅家常便饭套餐，款款卖$68，配珍珠白饭及热饮，晌等候期间，亦确喺有唔少人帮衬。
当然，除小炒，仲有多款是日精选及豪少少嘅行政套餐，第时方便堂食嘅话，都真喺想试试呢一款行政套餐。
顺带一提，餐厅仲兼零售埋件装蛋糕及面包，晌收银柜旁就见到冻柜内仲有多款件装蛋糕，而对开另一边嘅面包架就仍有数款都包。
最后，买咗一客焗饭及一个薄饭，每款都包饮品，仲可以加钱配其他特饮，以及配埋是日餐汤及沙律，而外卖仲有俾个9折你。包装方面做得好整齐，啲嘢食唔会侧嚟侧去，饮品更绝不会好易倒泻晒。
意式蕃茄焗鸡扒饭 $65焗猪食得多，都想改改试焗鸡扒饭，未打开焗盒，从透明胶盖已睇到个卖相非常之得，满满嘅芝士焗到金黄焦香，而拎到返屋企仲喺热焫焫。啲鸡扒煎得好香口，啲鸡肉又滑，面头嘅意式蕃茄浓郁酸活，捞匀啲饭食真喺一流，而个饭底几特别，因为一般炒饭底已好好，佢哋仲加咗唔少蔬菜落去炒，如椰菜花、翠玉瓜，健康好食。
意式蕃茄焗鸡扒饭
$65
11 浏览
0 赞好
0 留言
烟三文鱼牛油果酱薄饼 $88我哋都好似好耐无食薄饼，而睇见呢一款有烟三文鱼同牛油果嘅组合，一来啱晒老婆，二来又喺店家嘅推介菜式，所以，就试试佢。打开真喺好有惊喜，批面堆得满满食材，仲唔单喺得烟三文鱼同牛油果，仲加入好多野菌同木鱼碎，味道更丰富，烟三文鱼睇得出喺后加，即喺无焗过，所以，保持幼滑并富油香；，而且，初时睇菜名会以为得薄薄一层牛油果酱，点知有唔少牛油果粒粒，再加埋丰厚嘅水牛芝士，真喺好食又有惊喜。
烟三文鱼牛油果酱薄饼
$88
73 浏览
0 赞好
0 留言
热咖啡、低糖绿茶餐饮就无特别加钱转咩特饮，都喺拣番啲基本，不过，咖啡饮得出喺啲即磨咖啡嘅货色，相信啲豆都喺靓嘢，出嚟嘅咖啡好醇香；而低糖绿茶亦唔错，果真喺少甜，茶味亦颇芳香。
由于个薄饼好真材实料，份量十足，所以，食剩半个留番第二朝早餐，翻热食番，一样滋味。整体两款食物都好有水准，而且，个薄饼确喺平靓正，下次再嚟，反而想嚟食下午茶，见佢晌橱窗贴出咗有一款葱花咸牛肉炒蛋菠萝包，喺小弟最感兴趣嘅选择。
张贴
