影片
更多
2022-01-13
1627 浏览
小弟都算喺晌深水埗大，不过，就好耐都无嚟过「西九龙中心」喇，因为一向都无乜行大商场瘾，喺真喺有嘢要买，先会逛商场。今日就皆因过到嚟鸭寮街买卡，先顺道上去美食广场揾食。呢度餐厅众多，如果事先无心水嘅，拣起嚟都几唔容易，打咗个圈，就拣定「阿佳拌面」，原因？无㖞，纯粹想食吓台湾嘢。 「西九龙中心」嘅美食广场都几人气，我就较钟意啲枱都设定为二人枱，而且，数量够多，唔怕有搭枱情况出现。 讲到食物选项，一版睇晒，基本上，大类可分为拌面、面线同小食，数数埋埋，都有成廿多款选择。 两个主食拎上手已好觉够份量，再加埋两份小食过过口瘾，再帮衬隔离档嘅台式饮品，两公婆真喺极之够饱。 其实啲鸡卷、猪肉肠都好够味，但如果嫌未够，阁下喺喜欢重口味嘅人，店家仲有少少调味料摆出嚟俾你任加。五香糯米鸡卷 $22 台湾最出名就喺佢啲夜市，尤其各种小食，都各具特色，就好似呢一款鸡卷，咪睇佢好似细细条，其实可以好饱肚，皆因肠卜衣内塞满糯米，口感外脆，里面就烟烟糯糯，加上适当嘅调味，食味一流。 乌来烤猪肉肠 $22 小弟都去过一趟乌来，散策一下即日来回乌来喺几写意。当地嘅烤猪肉肠都好出名，晌大街到处都有卖猪肉肠嘅小档。长长嘅猪
「西九龙中心」嘅美食广场都几人气，我就较钟意啲枱都设定为二人枱，而且，数量够多，唔怕有搭枱情况出现。
讲到食物选项，一版睇晒，基本上，大类可分为拌面、面线同小食，数数埋埋，都有成廿多款选择。
两个主食拎上手已好觉够份量，再加埋两份小食过过口瘾，再帮衬隔离档嘅台式饮品，两公婆真喺极之够饱。
其实啲鸡卷、猪肉肠都好够味，但如果嫌未够，阁下喺喜欢重口味嘅人，店家仲有少少调味料摆出嚟俾你任加。
五香糯米鸡卷 $22 台湾最出名就喺佢啲夜市，尤其各种小食，都各具特色，就好似呢一款鸡卷，咪睇佢好似细细条，其实可以好饱肚，皆因肠卜衣内塞满糯米，口感外脆，里面就烟烟糯糯，加上适当嘅调味，食味一流。
乌来烤猪肉肠 $22 小弟都去过一趟乌来，散策一下即日来回乌来喺几写意。当地嘅烤猪肉肠都好出名，晌大街到处都有卖猪肉肠嘅小档。长长嘅猪肉肠，外皮非常香脆，再咬落去充满油香，味道带少少甜，唔错。
盐水鸡拌面 $35叫得「阿佳拌面」，当然拌面喺招牌嘢啦，所以，试咗一客盐水鸡拌面，酱汁就拣咗芝麻酱。虽然个食物盒唔喺好大，但啲拌面、盐水鸡就塞到满满，而啲盐水鸡唔错㖞，咸香嫩滑，仲伴有爽脆嘅腌萝卜同嫩滑嘅卤豆腐；面条嘅份量都好足，口感较软身，但做得颇入味。
招牌肉燥饭 $35讲到台湾名物，又点少得肉燥，试咗一个拌面，依一个就拣白饭，同样白饭跟𩠌料都塞到满满。啲肉燥煮得好香浓，却喺唔油腻，食落就唔觉有太多肥膏，捞饭嚟食真喺一流，而除了伴有腌萝卜同卤豆腐，再加只具水准嘅溏心蛋，真喺满足晒。
两杯台式饮品就另文再分享，而今次试到「阿佳」嘅4款嘢食，都真喺唔错，几有台湾原味道，真喺面食、小吃两「佳」宜。更加钟意佢个食物盒及包装纸袋，红蓝字印住店名，甚有台式夜市风。
张贴
