八月 (已結業)

「八月」，真系冇下次。价钱唔平，食物选择少，质素差，服务不够，有漏单情况，失望！「八月」地方大，可容纳多人，坐得都舒适。装修都有高级感觉，但期望愈大失望愈大！嗌咗一个汤、一壶最贵嘅铁观音茶同4个𩠌。当时人客未算好多，但食物都好迟先到。当所有嘢嚟哂，白饭又迟迟都未嚟。等咗好耐，以为饭终于到啦，点知嚟得一碗粥。明明个传菜服务员托盘上已有2碗白饭，但佢只放低一碗粥就走咗去另外一枱客人到，真奇怪！之后等咗好耐2碗饭先嚟，心谂:𩠌都就快唔热。都算，食物质素真系唔掂！姜汁炒芥兰煮到老哂，好难食。个一人鸡菇炒饭又冇乜味、料又少。加上，所有嘢都必定要配饭，好似炆猪肉、海参果碟咁，卖相都同都同住家𩠌差不多，食落就好普通，食物唔太似出自呢间花咁多钱装修，好似几高级嘅餐厅咁。咁多样嘢，得个汤几好。仲有！食咗成餐饭，见我哋嗌嘅咕哝肉都未嚟，埋单同个待应讲话冇嚟，cancel 佢算。对方冇抱歉嘅态度，快速同我哋埋咗张单就算，真系无话可说！个人认为冇必要喺呢到食饭，因为质素唔掂！