影片
更多
2020-03-26
169 浏览
成日都听到呢句"人有三衰六旺"，运气呢样野唔会比你用足一世，总有高低之时。我记得细细个学打麻雀果阵，嫲嫲就教我如果每个人铺铺都拎住好牌，咁个个咪李嘉诚？就算渣住一块烂牌，你都要学识识打好佢。所以自细就领悟到原来烂牌都有得食鸡糊已经好满足，但系对住美食当前，要满足个胃黎讲，咁就唔系咁易啦。黎到铜锣湾呢间静中带旺既西班牙名菜「Tapa Room」 一于有理无理，好牌定烂牌，几大都放纵下自己，食尽佢！👇📌H O T · T A P A S -▪ Bikini Sandwich w/ Foie Gras- $78▫ 最钟意西班牙菜既Tapas，每款细细份，可以试到唔同口味，又唔会撑饱个肚。先黎个「鹅肝比坚尼三文治」，三文治表面烘到非常金黄松脆，口感系岩岩好"索索声"。加埋阵阵咸香既鹅肝酱，食落唔会觉得太腻，唔错。📌C O L D · T A P A S - ▪ Jamon Iberico 24 Months- $88▫ 讲到送酒既冷盘一定走唔甩「西班牙黑毛猪火腿24个月」，黑毛猪既油脂系口腔里面非常浓郁，每一块融化既过程当中，浓度渐渐减退。而咸香味唔会好刺喉，好舒服既，带少少油润甘香，食得过！
总有高低之时。我记得细细个学打麻雀果阵，嫲嫲就教我如果每个人铺铺都拎住好牌，
咁个个咪李嘉诚？就算渣住一块烂牌，你都要学识识打好佢。
所以自细就领悟到原来烂牌都有得食鸡糊已经好满足，但系对住美食当前，
要满足个胃黎讲，咁就唔系咁易啦。黎到铜锣湾呢间静中带旺既西班牙名菜
「Tapa Room」 一于有理无理，好牌定烂牌，几大都放纵下自己，食尽佢！👇
📌H O T · T A P A S -
▪ Bikini Sandwich w/ Foie Gras- $78
▫ 最钟意西班牙菜既Tapas，每款细细份，可以试到唔同口味，又唔会撑饱个肚。
先黎个「鹅肝比坚尼三文治」，三文治表面烘到非常金黄松脆，
口感系岩岩好"索索声"。加埋阵阵咸香既鹅肝酱，食落唔会觉得太腻，唔错。
📌C O L D · T A P A S -
▪ Jamon Iberico 24 Months- $88
▫ 讲到送酒既冷盘一定走唔甩「西班牙黑毛猪火腿24个月」，
黑毛猪既油脂系口腔里面非常浓郁，每一块融化既过程当中，浓度渐渐减退。
而咸香味唔会好刺喉，好舒服既，带少少油润甘香，食得过！
📌W E · H A V E · S O M E T H I N G · N E W… -
▪ Grilled Octopus Leg In Mojo Verde Sauce - $128
▫ 讲到西班牙盛产既不得不提呢个「烤原只八爪鱼腿配西班牙青酱」，餐厅严选食材，
用既八爪鱼都系由西班牙空运到港。呢个经过慢煮同埋烤焗后，表面做到少少焦香，
切开里面系见到肉质系好白滑，处理既时间唔会过熟。而Size厚薄适中，
食落肉质相当软腍有咬口，加埋西班牙青酱一齐食更加惹味。
📌M A I N · C O U R S E -
▪ Piri Piri Honey Roasted Spring Chicken - $98/Half
▫ 主菜方面今次试左呢个「霹雳蜜糖烤春鸡」半只，鸡肉经过慢煮再煎封，
所以鸡皮煎到香脆之余，里面切开肉质仲保留到嫩滑多汁。虽然Size得半只，
但脂肪比例平均，啖啖都系肉，份量仲够两个人食用。
加上用左西班牙烟红椒粉同埋些厘醋一齐焗，份外浓香！
▪ Seafood Paella - $188(For2)
▫ 如果唔嗌返个「西班牙海鲜锅饭」，点对得住自己呀。当地家喻户晓既名菜之一，
基本上每一间餐厅/住家既食谱都会有所不同同。而呢间既出品性价比系好高，
大大盘锅饭上面铺满哂青口、鱿鱼丶海虾、蛤蜊，够哂新鲜之余，吸收哂汤底精华，
完全系无得输呀。而饭粒口感结实，硬度适中，偏有咬口多少少，必定要试！
📌G I N & T O N I C -
▪ Tanqueray (House) - $75(H.H)
▫ 众人皆醒我独醉，有佳肴就无理由无美酒相随既，整返杯Tanqueray就最好不过啦。
以Gin做Based，再加埋青柑果干、紫罗兰、杜松子、西柚、Tonic Water
同加强成个香味，饮落感觉好清新舒服，最后Bartender会将灼烧过既
Rosemary放埋落去，个香味更加突出。
📌T A N Q U E R A Y · S P E C I A L S -
▪ Anythyme - $98(H.H)
▫ 另一杯招牌Tanqueray特饮，同样用左Gin做Based，加埋青瓜、青柠、接骨木花糖水。
倒系Balloon Glass里面，特别适合打卡！饮落清清甜甜，岩哂一众少女口味啦。
张贴
