影片
更多
2020-08-04
4505 浏览
「J.Co Donuts & Coffee」呢个主打冬甩嘅品牌，大概年半前已经试过，不过，𠮶次都喺小组搞聚会，有组员买嚟一大盒共享。最近，行经租庇利街，发现原本中环都开咗家分店，仲见有个配套优惠，赶及限时前帮衬，就趁食晏时间落去买，买嚟晌公司当食个下午茶，试一试。餐厅呈长形，个铺都好深吓，而一入门口，左边喺冻柜，放置好多冬甩，目测超过廿款，款式多多，琳琅满目，非常吸晴。再入少少，晌收银旁嘅冻柜放咗数款三文治，因为佢哋都唔止卖冬甩，仲提供其他轻食。此外，咖啡嘅相关产品，佢哋亦有做零售，如咖啡粉、咖啡杯、咖啡壶……等等。里面仲有堂座，装修简洁，走悠闲自然风，但因疫情关系，就算无限聚令，为咗减低交叉感染风险，佢哋索性取消堂食，主力做外卖。临走时，见有啲单张攞，就索性攞张贴出嚟俾大家参考。原本仲提供特色午餐，饮品亦有好多选择。而吸引小弟嘅，喺呢个买黑糖牛奶咖啡，就任选一选冬甩嘅限时优惠。黑糖、牛奶咖啡，本身就喺小弟嘅喜好，加个冬甩，就啱晒作为下午茶啦！但温提一下，呢个送冬甩优惠，只限买冻黑糖牛奶咖啡或水果茶系列饮品先享用到。冻黑糖牛奶咖啡 $37好奇怪一点，晌基本餐牌中，你喺揾唔到黑糖牛奶咖啡
餐厅呈长形，个铺都好深吓，而一入门口，左边喺冻柜，放置好多冬甩，目测超过廿款，款式多多，琳琅满目，非常吸晴。
再入少少，晌收银旁嘅冻柜放咗数款三文治，因为佢哋都唔止卖冬甩，仲提供其他轻食。
此外，咖啡嘅相关产品，佢哋亦有做零售，如咖啡粉、咖啡杯、咖啡壶……等等。
里面仲有堂座，装修简洁，走悠闲自然风，但因疫情关系，就算无限聚令，为咗减低交叉感染风险，佢哋索性取消堂食，主力做外卖。
临走时，见有啲单张攞，就索性攞张贴出嚟俾大家参考。原本仲提供特色午餐，饮品亦有好多选择。
而吸引小弟嘅，喺呢个买黑糖牛奶咖啡，就任选一选冬甩嘅限时优惠。黑糖、牛奶咖啡，本身就喺小弟嘅喜好，加个冬甩，就啱晒作为下午茶啦！但温提一下，呢个送冬甩优惠，只限买冻黑糖牛奶咖啡或水果茶系列饮品先享用到。
冻黑糖牛奶咖啡 $37好奇怪一点，晌基本餐牌中，你喺揾唔到黑糖牛奶咖啡呢一款饮品，以为印漏？错，问店员佢哋嘅回答都喺话餐牌无，都唔好理咁多，啱心水就得。12oz卖$34，16oz卖$37，无理由唔要杯大架。除打入大量奶泡，仲加入唔少黑糖，饮落口感香滑，咖啡味醇香，带阵阵黑糖嘅清甜，又有阵阵凉意，感觉真棒！
Forest Glam $16（优惠赠送）以「黑森林」作为设计概念，原味冬甩嘅面面黐满朱古力针，初时都无为意，原来仲加咗车厘子酱，不过，如果晌冬甩内唧入车厘子酱就更加有卖点。咬落去，冬甩本身都好软熟，睇见里面嘅窿窿就明白，而朱古力味都好香浓，算唔错，但唔会有太多惊喜。
因为一杯啱饮、好饮嘅牛奶咖啡，已为今餐下午茶加分。有时就喺咁，遇到啱心水嘅嘢，就要把握，就去试试，唔一定东张西望四围揾先至喺好嘅。
张贴
