旮旯 (已結業)

位于📍元朗嘅一间小店—「旮旯」，餐厅环境唔算大，店内里装修有日式嘅格调，主打日式轻食同甜点，餐厅亦都有做午市同晚市，但通常都要排队，小编遇着3点3🕒下午茶时间，有幸初尝「禁果」🤤，食物都可以满足一下港男港女打吓卡📸。今次小编就叫咗店内主打嘅抹茶同黄豆味葛饼，抹茶味就不过不失啦😌，钟意食甜品嘅小编对黄豆味葛饼有好大兴趣🤤🤤，佢再配合埋呢个黑糖炼奶，突出返黄豆粉嘅味，非常夹！👍🏼👍🏼之后仲有抹茶红豆卷蛋，系呢到嘅名物，食落唔会好干又唔会好湿，红豆酱亦都唔会好甜，好适合一啲怕甜嘅朋友。最后𠮶杯「极光」会系个点缀😚，小编一睇餐牌已经俾佢个名吸引住，饮落去系一种清新嘅感觉🥰，一试难忘🥺。用蝶豆花，抹茶同青柠汁为主嘅冻饮，卖相再以紫色同橙色混合一齐🤩，有层次之余又非常吸睛😆，柠檬汁又开胃，食完甜品之后又可以中和翻，十分推介🤩🤩。总括而言，大家如果去完下白泥影相或者经过元朗，可以一战！人均消费：$50-80/head