影片
更多
2021-03-11
2944 浏览
细佬生日，例牌约埋一齐食餐饭简单庆祝一下，旧年就因疫情无搞过，今年都谂住搞唔成，但最近除恢复番晚市有堂食外，仲可以4人一枱，所以，先决定约出嚟。其实，跟一众老友嘅饭局基本上成年都无搞过，平时唔喺同老婆，就喺一支公，或者三几个相熟嘅行山友行完山快闪一餐下午茶而已。呢晚，就约咗晌青衣城嘅「南小馆」，我同老婆就顺道晌UA睇场公余场（后记：估唔到就喺同UA嘅告别之约，我手上仲有几张戏票换领券呀）。 「南小馆」无得订枱，所以，细佬妹提早到场揿飞攞位，不过，就算星期六晚饭市高峰时段，由于疫情持续，都未有爆场。咪睇门口好似好多人，其实，不少喺等外卖。之但喺，目测都有八乘几满，而餐厅装修简约，一室以白色为主调。点菜纸亦喺等于餐牌，有咩选择就晌晒点菜纸度，大致叫分为10类，小弟就唔嘥时间抄多次出嚟，扫描张点菜纸俾大家参考吓。点菜纸都有写明，茶水就$6位，餐前小碟$9碟（1-4人），当然要收埋加一啦。 餐前小碟 $9晌大家仲研究紧想食咩之时，就边食啲小食边谂，小食喺咸脆花生同香辣菜脯，前者咸香清脆，后者就爽脆惹味。 南小馆四小拼 $80冷盘小食有成十多款，嗌四小拼就最划算，晌指定7款冷盘中拣4款，样样少
「南小馆」无得订枱，所以，细佬妹提早到场揿飞攞位，不过，就算星期六晚饭市高峰时段，由于疫情持续，都未有爆场。咪睇门口好似好多人，其实，不少喺等外卖。之但喺，目测都有八乘几满，而餐厅装修简约，一室以白色为主调。
点菜纸亦喺等于餐牌，有咩选择就晌晒点菜纸度，大致叫分为10类，小弟就唔嘥时间抄多次出嚟，扫描张点菜纸俾大家参考吓。点菜纸都有写明，茶水就$6位，餐前小碟$9碟（1-4人），当然要收埋加一啦。
餐前小碟 $9晌大家仲研究紧想食咩之时，就边食啲小食边谂，小食喺咸脆花生同香辣菜脯，前者咸香清脆，后者就爽脆惹味。
南小馆四小拼 $80冷盘小食有成十多款，嗌四小拼就最划算，晌指定7款冷盘中拣4款，样样少少，可以一次过试到多少少嘢。有部份已经无货，最终我哋拣咗四喜烤麸、秋葵木耳、糖醋排骨及花雕白鸡，睇落份量唔少㖞。烤麸喺个人最钟意食，软腍有种麦香，木耳就爽爽脆脆，排骨就松化香浓，醉鸡则清爽有酒香，肉质非常嫩滑。
南小馆四小拼
$80
151 浏览
0 赞好
0 留言
一客有5个，外观望落啲皮就唔喺好薄，折位亦喺好厚吓，咬落外皮确喺有啲厚，令到口感差咗少少；还好喺啲肉馅松化，够多肉汁，整体叫做还可以。
萝卜丝酥饼 $42萝卜丝酥饼最紧要喺即叫即做，入口热辣辣先好食。外观就几对办，入口层外皮都颇酥香松化，亦唔会有油腻感，里面填满萝卜丝，丝丝清甜，几好食。
金网生煎窝贴 $45本来想点生煎包，但已经话卖晒，退二求其次，就要咗一客窝贴。锅贴煎得个底焦香脆口，饺皮有咬口，馅肉鲜味爆汁，有水汁㖞。
炸银丝卷 $26都好耐无食过炸银丝卷喇，啲银丝卷炸得金黄，一咬皮脆甘香，内里好软绵绵，沾少少炼奶，都已经好唔错。
酱爆腰果鸡丁 $78卖相平实，浓油赤酱个皮，亦喺一贯上海菜风格。啲鸡丁都嫩滑，浓香惹味，伴饭就最一流，不过，啲腰果唔脆㖞，大大扣分！
米汤时蔬 $52本来喺想叫腐皮小菠菜，点知又无，改嗌呢碟米汤时蔬，时蔬喺啲菜苗，都几嫩口，而底下喺啲米汤，清清哋够健康，又平衡番啲肉类菜式。
家常炒面 $68比起点菜纸，啲炒面出奇地好红吓，唔知加入咩元素，会唔会喺红菜头汁呢？总之，食落唔会有咩特别嘅味道，虽然「整色整水」，但只喺加啲肉丝、菇菌炒埋一碟，都仲喺好「家常」。
细沙南瓜团 $30样子做得的骰又像真，够晒可爱，南瓜团外皮软绵烟糯，却又唔黏牙，淡淡南瓜味，衬晒内里清甜啲红豆沙馅。
细沙南瓜团
$30
11 浏览
0 赞好
0 留言
拉糕做得精致可人，仲唔手紧倒咗唔少桂花蜜糖，所以，入口桂花嘅香气好突出，带点甜蜜滋润，齿颊留香，而拉糕本身口感烟韧，同样喺唔黏牙，好食。
桂花蜜拉糕
$30
24 浏览
0 赞好
0 留言
张贴
