La Terrasse by ÉPURE (已結業)

离开观塘工厦区进驻尖咀返工，揾个好地方happy hour再不是梦！最近就得新同事指点迷津，带我嚟到呢个秘密花园摸下杯底、松一松！坐低先发觉⋯个名咁熟嘅？原来之前听朋友讲过EPURE fine dining嘅食物、环境等质素都好好，所以都好想试试，咁我今次就试咗饮嘢先啦！先讲讲环境，穿过商场入到嚟真系好似去咗另一个世界！入夜后灯饰好有情调，而坐椅非常宽敞舒适，且每枱之间相距甚远，同朋友畅所欲言都唔怕隔墙有耳，对住海景吹风+吹水，人生一乐也！当日想饮啲比较fresh、又唔好太「啃」嘅酒精，侍应就推介咗呢杯荔枝味嘅cocktail 俾我，味道的确好清新，易入口之余又唔会话无酒味、几啱女仔饮，果然无介绍错！黎明唔空肚食早餐，我就唔得空肚饮酒，就点了客三文治，估唔到又几有水准，尤其系沙律蔬菜好新鲜，认真唔错！今次happy hour的确几「合皮」，要快啲试埋室内fine dining先得！