影片
更多
2020-11-14
318 浏览
之前一直都有听过喺筲箕湾东大街有间「名人鱼蛋粉店」叫「安利鱼蛋粉面」系相当远近驰名，所以今日下午我们喺柴湾探亲后，就特意搭车去食个下午茶！一去到就见到有好多人客喺门口排队等位入座同等外卖，心谂出品应该系好好，所以先会有咁多人客愿意等！等咗一段时间，终于到我们入座喇！我们分别叫咗最出名最多人客叫嘅鱼蛋河同切腩河！落单后唔超过一分钟，可以话系「即叫即到」嘅效率！「就咁睇」个卖相都算几吸引，点知一食就觉得「出事」喇！啲鱼蛋系经过长时间浸泡著，所以质感系又松又散，完全系淡而无味，以为好似食紧一件扮鱼蛋嘅豆腐咁！而切腩嘅肉质都几爽滑松化，肉味亦好浓郁！至于河粉就系我们觉得最赞，因质感相当爽滑弹牙，而且份量十足！总括：如果老板唔系谂著唔想流失啲人客，可以做多几轮生意嘅话，就唔会将啲鱼蛋一直放喺汤底度，做到「即叫即到」嘅效率，而令到鱼蛋嘅出品质素变差！本人觉得老板应该回想返当日点解点解开店卖鱼蛋粉嘅初心，系人客嚟到落单后「即叫即制」，而唔系今时今日嘅「即叫即到」！
总括：如果老板唔系谂著唔想流失啲人客，可以做多几轮生意嘅话，就唔会将啲鱼蛋一直放喺汤底度，做到「即叫即到」嘅效率，而令到鱼蛋嘅出品质素变差！本人觉得老板应该回想返当日点解点解开店卖鱼蛋粉嘅初心，系人客嚟到落单后「即叫即制」，而唔系今时今日嘅「即叫即到」！
鱼蛋河
29 浏览
0 赞好
0 留言
切腩河
22 浏览
0 赞好
0 留言
张贴
