御品軒 (已結業)

好早食饭好快就肚饿，又系时候出去揾食啦。谂住去发记食杨支金露，点知(其实都应该估到架啦)排长龙。望一望突然见到依间「御品轩」。友人即刻问左一句「咦? 新开架?」我都呆左一呆谂左一谂...都好似一直都系度架㖞。可怜的食店! 畀发记同板前抢去太多风头啦! 成日经过去世贸都未曾留意到佢，令我突然谂起一段歌词...「过去我已在这里　但太小未被　在意吧 而他　和他　和她包装比我美　举止比我夸」...今日终于留意到依颗细沙既存在! 见佢又唔驶等就入左去啦!依间野专卖甜品，尤其系主打水牛奶，同埋都有d粉面食!我要左个龙眼水牛奶 (唔太记得个exact name) 来到时彷佛畀人呃左畀 -_-" 一碗奶，入面有数粒缩晒水既龙眼。真系龙眼+牛奶㖞，我仲以为会煮下or加d唔知咩野添。味道都ok，d水牛奶比平时牛奶香。龙眼都甜不过同牛奶好似系两样野「格arn」摆埋一齐。朋友C叫了一碗崩沙腩河。崩沙腩反而唔错㖞 @_@ 朋友S就叫左一个芒果甜品同一个怪怪地水饺，超奇怪我都废事试。依间野质素都过得去咁啦。如果唔驶等既话都可以入去坐坐。