Just Eat (已結業)

喺华辉阁地下嘅「Just Eat」，主理越南/泰国菜。要提提大家餐厅位置唔系咁易揾，要喺般咸道搭电梯落去先到。踏入餐厅觉得环境干净企理，以白色为主调，明亮舒适。墙上有一幅幅画，为餐厅增添艺术气息。加上播着熟悉的流行曲纯音乐，令我不自觉边食边哼起歌来，感觉悠闲。蕃茄浓汤海鲜檬一上枱个卖相好吸引！有虾、鱿鱼、带子粒，海鲜种类多。汤底有新鲜蕃茄，重试到有d虾酱嘅咸香味。另外配菜重有肉碎、芽菜同莞茜，莞茜令汤底更香！芽菜同檬粉一齐食，一爽一腍，口感好正！汤底用新鲜蕃茄整，酸酸甜甜，好开胃！好味到连汤底都饮埋！菠萝海鲜炒饭饭旁边有预先切好左嘅新鲜菠萝。饭入面都有菠萝粒。重有好多配料！同海鲜檬一样有虾、鱿鱼同带子。饭加左蛋去炒，份量多，有镬气，粒粒分明，口感烟烟韧韧似糯米。越式虾卷入面有花生粒同青瓜粒，重有成块香叶添。虾够新鲜唔鯹。质地似熟虾寿司。生菜鲜绿爽脆。