Blue Brick Bistro (已結業)

湾仔从前o既「囍帖街」现今已变成「囍欢里」 ，横街都改建成小公园休憩处，街道亦转成购物商场o既一部份。唔怪得知日本名饼店「Yoku Moku」喺度开分店之余，仲要搭建多两层西餐厅「Blue Brick Bistro」。正门喺地下「Yoku Moku」饼舖o既侧旁。接待处旁有条楼梯通往一楼餐室。楼梯后面其实有个酒吧，但因未正式开放，故不得内进。大家请放心，大厦另一边亦设有升降机 ，食客唔洗一定要行上梯级。楼梯顶上o既吊灯喺唔同角度望落去都咁靓咁有特色，设计得好有心思。 四周简洁o既装潢及柔和o既光线感觉极之大方舒适。大厅o既布置可见餐厅快将开幕 ，细问下得知原来吉日就系跟住𠮶晚，即二月一日。可能要忙于筹备派对，我地一行又有成八人，为免招呼唔到其他人，所以就索性间出半梳化式散坐o既一边俾我地包场。如果钟意吸收新鲜空气，店子亦设有室外座位，天热有风扇，天冷仲会开住火炉添 。餐具及菜肴全为西式，但主要食材则大多购自日本。现阶段晚市有两款四道菜o既套餐，价钱分别为$298及$348（另收加一服务费），前者主菜属意粉类，后者则为肉类及海鲜类；头盘同样系二选一、餐汤同甜品为是日精选。当然