臺坊 (加拿分道) (已結業)

呢晚又喺老婆上堂嘅日子，无饭开，唔想又快餐店，想试吓啲新餐厅，听朋友讲晌「厚福街」有家小店新开，卖台湾嘢，都有啲质素，所以，是夜就晌呢一家「台坊」揾食。餐厅就位处「加拿芬道」同「厚福街」交界，即喺以前「许留山」个铺位。餐厅装修简约，讲得喺小店，地方唔会大，一眼望入去，左右两排单边位，一共10个位咁多，所以，餐厅另一主要收入来源就喺卖外卖，用餐期间，确喺见唔少人嗌外卖。 虽然店铺细细咋，但卖嘅食物款式都唔少，如台式小食、台式蛋饼、冷面、饭品、牛肉面及饮品，而小食及饮品都可以以优惠价加配。枱上放有辣椒酱及餐具，餐具都喺放晌木盒内，较开放式摆晌枱上卫生，不过，都喺要自行清洗或消毒一下好啲。黑糖仙草冻加珍珠 +$15故此，小弟就加配一杯「黑糖仙草冻」再搭多份珍珠，先饮一啖，茶底不俗，入口芳香，慢慢渗出黑糖嘅清甜，而晌奶茶内浮浮沉沉嘅仙草及珍珠，前者口感滑溜溜，后者烟韧有咬口，令整体多添趣味。盐酥鸡冷面拌胡麻酱 $57平常晌台湾铺食牛肉就多，所以，今回改改食冷面，一来天气仲有啲热，二来好想食盐酥鸡，配冷面小弟就觉得最好不过。面条以台式便当嘅竹纸盒装住，感觉既环保，又有台式风味。初时，以为就咁配盐