影片
更多
2022-06-27
1125 浏览
今晚喺即兴快闪嚟食包，话说同位老友倾开偈，讲讲吓，横掂大家无饭开，不如约出嚟快闪食餐饭。小弟去边度都无所谓，而就番佢返拣嚟太子，见「Winner Burger」好似几好，老友又想食啲高质素少少嘅嘢，所以，扑锤晌度食吓汉堡。店外店内嘅装修都几得意，以瓦砖砌成游戏机公仔为主角，而晌门口已一眼睇晒成间铺喺点，左边喺厨房，右边有三几个吧位，个人就觉得厨房占比好大，始终主要都喺只做汉堡、小食而已，相反，吧位一边就比较细同窄。除场即场下单，仲可以用二维码下单，所以，有唔少外卖单都喺由二维码𠮶边落，故此，睇住啲店员密密制作，炸小食、煎扒、涂酱汁……做唔停手。而汉堡嘅选择，一大张餐牌睇晒，共8款汉堡，7款小戈戈食，前者定价由$62-$92，后者就每款卖$15，其实，加$18就可以升级为套餐，包一份自选小食及罐装饮品，樽装就再补多$3。虽然唔少单，但店员都好快手，同步可以整几张单嘅汉堡，大概等10分钟唔使就整好晒，而饮品就自己晌冻柜自取。顺带一提，店家提供胶手套，谂住环保少少，但唔用都唔得，因为啲汉堡实在太大份，酱汁好易泻到一手都喺。可乐、柠乐食汉堡就梗喺配汽水最爽啦，其实，平时都好少饮，所以，打开个冻
店外店内嘅装修都几得意，以瓦砖砌成游戏机公仔为主角，而晌门口已一眼睇晒成间铺喺点，左边喺厨房，右边有三几个吧位，个人就觉得厨房占比好大，始终主要都喺只做汉堡、小食而已，相反，吧位一边就比较细同窄。
除场即场下单，仲可以用二维码下单，所以，有唔少外卖单都喺由二维码𠮶边落，故此，睇住啲店员密密制作，炸小食、煎扒、涂酱汁……做唔停手。
而汉堡嘅选择，一大张餐牌睇晒，共8款汉堡，7款小戈戈食，前者定价由$62-$92，后者就每款卖$15，其实，加$18就可以升级为套餐，包一份自选小食及罐装饮品，樽装就再补多$3。
虽然唔少单，但店员都好快手，同步可以整几张单嘅汉堡，大概等10分钟唔使就整好晒，而饮品就自己晌冻柜自取。
顺带一提，店家提供胶手套，谂住环保少少，但唔用都唔得，因为啲汉堡实在太大份，酱汁好易泻到一手都喺。
可乐、柠乐食汉堡就梗喺配汽水最爽啦，其实，平时都好少饮，所以，打开个冻柜，先知原来有一款「可口柠乐」，柠味唔算好强，之前就未饮曾过，当喺试吓新嘢咁。
洋葱圈我哋份洋葱圈炸得比较㶶，入口啲粉浆比较硬身，幸好食落都唔喺好油，而洋葱都有啲甜味，唔太差，亦唔叫好。
甜蕃薯条另一份小食蕃薯条就好食好多，炸得香脆，入口粉甜，好有蕃薯味，比起成日食薯条多份新鲜感。
WB手打牛王汉堡 $68 +菠萝 $5小弟就拣最基本嘅牛王汉堡，唔喺讲笑，非常大份，拎上手好有份量，餐牌都已经列明有蕃茄、生菜、芝士片、煎流心蛋、手打牛肉汉堡扒，再配自家制酱汁。而汉堡扒自家手打，咬落好松化，富肉香，又充满肉汁，加埋煎蛋确有流心效果，就咁已经好正，再伴以蕃茄、生菜、菠萝，平衡啲油腻感，食起嚟更清爽。
WB猪牛薯堡 $92老友喺大胃王，当然挑战吓呢一款集齐薯饼、牛肉汉堡扒、猪肉汉堡扒，再加埋蕃茄、生菜、芝士片、煎流心蛋嘅猪牛薯堡。佢话实在太大份，好难一口过咬落去，要拆开嚟食，两款肉都煎得香口，手打即喺手打，口感好松化，薯饼炸得香而不腻，配搭埋其他食材，味道丰富，加上包身软熟，的确用料有水准，老友食完话大满足，啱晒啲食肉兽。
两款汉堡都确喺有特色，用料不赖，又落足份量无欺场，不过，下次都喺拎走食，始终堂座啲吧位唔喺咁好坐，加上冷气唔喺好够，哈哈！
张贴
