影片
更多
2009-01-05
33 浏览
特登拣闲日,又避开埋lunch time去太子试既「大记」既攦粉同糕点~因为知道果到地方浅窄~我爸妈三人叫左一个客家茶果汤($12),鸡酒攦粉($18)同炸鲮鱼球攦粉($18)我三样都试左D~客家茶果汤: 一食就觉得只味好熟,系细个果时成日去饮茶都会叫既汤濑粉味,即系有D虾米冬茹肥猪肉丝既汤底,只不过濑粉就变左一片片既粉~大片既得3,4片,其他都系碎阴阴~no good!试过就算喇~!宁愿食返汤濑粉~但如果你就脚,又想转下口味,女仔黎讲,一碗都够饱,$12都叫经实惠~攦粉就系粗身D既米线,系几滑既,爸爸都有讲话点解咁滑,妈咪就话系D米靓㖞~鸡酒攦粉($18): 有几旧鸡腿肉,但一早俾爸妈食晒~我试过D汤就冇酒味,妈咪就话D酒味系鸡到,我就唔知系唔系真系有喇~炸鲮鱼球攦粉($18): 我试左一旧仔炸鲮鱼球,可能太细旧,试唔出有咩特别~普普通通咁~因为我有炸野同油恐惧症架!我系因为其他人推介而叫俾爸妈试~但如果净食炸鲮鱼球就$25/6粒,而家攦粉连炸鲮鱼球3粒$18叫化算D~我钟意食攦粉上面既家乡小抄,亦有家乡小抄攦粉,$15走时先买糕,因为堂食$4旧,外卖$10/3件~拣左大获好评既芝麻
我爸妈三人叫左一个客家茶果汤($12),鸡酒攦粉($18)同炸鲮鱼球攦粉($18)
我三样都试左D~
客家茶果汤: 一食就觉得只味好熟,系细个果时成日去饮茶都会叫既汤濑粉味,即系有D虾米冬茹肥猪肉丝既汤底,只不过濑粉就变左一片片既粉~大片既得3,4片,其他都系碎阴阴~no good!试过就算喇~!宁愿食返汤濑粉~但如果你就脚,又想转下口味,女仔黎讲,一碗都够饱,$12都叫经实惠~
攦粉就系粗身D既米线,系几滑既,爸爸都有讲话点解咁滑,妈咪就话系D米靓㖞~
鸡酒攦粉($18): 有几旧鸡腿肉,但一早俾爸妈食晒~我试过D汤就冇酒味,妈咪就话D酒味系鸡到,我就唔知系唔系真系有喇~
炸鲮鱼球攦粉($18): 我试左一旧仔炸鲮鱼球,可能太细旧,试唔出有咩特别~普普通通咁~因为我有炸野同油恐惧症架!我系因为其他人推介而叫俾爸妈试~但如果净食炸鲮鱼球就$25/6粒,而家攦粉连炸鲮鱼球3粒$18叫化算D~
我钟意食攦粉上面既家乡小抄,亦有家乡小抄攦粉,$15
走时先买糕,因为堂食$4旧,外卖$10/3件~
拣左大获好评既芝麻糕,我系南瓜迷所以好想试南瓜糕,仲有花生茶果,恨试茶果既原因系果时睇女人唔易做重播,小齐(林峰)既嫲嫲(黎萱)做茶果好叻而自己又好似未食过~我以前系麻buy甚么粉果,茶果,觉得佢地既皮大淡,其实而家都麻buy,但会想试小小罗~
糕既size就同一般酒楼既煎糕咁上下大,唔叫好大件喇~
但$10/3件都叫抵既~因为可以试三款糕~酒楼既糕点甜品叫一碟只得一款~
我又系三样都试左D喇~
佢D糕睇落好似好实,但食落又唔系㖞!
芝麻糕: 「推介!」芝麻味好香!真系坚唔甜!怕甜者放心!甜既话我一早获利回吐~(好核突添 : P)
南瓜糕: 奶味太大OVER,冇南瓜味!唔系难食,OK既,唔特别同名不符实咁罗~比芝麻糕甜~
花生茶果: 因为想食咸,所以拣花生涵(仲有豆沙同眉豆),起初唔明点解斋得花生会系咸!?原来加左虾米,葱之类~涵叫多~皮烟韧~但我谂虽然细细个但食晒成个都几滞~可能系我最后试既原故~但花生茶果「值得一试!」
由于呢间店对于我黎讲唔叫就脚,所以虽然价钱算经济,但试过就算~!
小Tips: 「大记攦粉糕点专门店」同「美味饺子店」相距只系10分钟路程,大家可以一箭双雕~
「美味饺子店」属可以一试~!
我试过韮菜猪肉同白菜猪肉~皮薄涵多,涵都切得好幼细,野葛菜生鱼汤底味唔算浓但胜在冇咩油~
果时外卖左一打生既韮菜猪肉饺返屋企自己煮,因为生既韮菜猪肉饺只系$17一打,但第二日自己煮时因为时间掌握得唔好,觉得唔再好食!
「美味饺子店」应该唔会encore~因为我同爸爸2个水饺都偏爱皮厚少少而料不用太多,目前为止首选牌既水饺系我地既飞佛!
虽然样样只系试左小小,但都滞滞地~我要饮茶消下滞!
张贴
