蠔站 (黃金廣場) (已結業)

黄金广埸内分手？系咪一定可以系门口再聚？唔一定，或者可以系「蚝站」再相逢…但相逢何必曾相识，不如今晚再相逢呢？我讲紧都系同佢D生蚝姐，正所谓为兄弟可以两胁插刀，为女可以插兄弟两刀，呢碟生蚝我攞硬，耶稣都留唔住佢，我话既！👇📌O Y S T E R -▪ Oyster · Platter -   ▫ 生蚝爱好者一定要留意佢地有10蚊一只生蚝大优惠，今晚就系来自于爱尔兰产地，ORDER左12只整左个「生蚝·拼盘」；爱尔兰既生蚝性价比无得输，虽然海水味唔算好重呀，size黎讲算系精细，但胜在蚝肉味道鲜甜，口感爽身，配搭Tabasco或柠檬汁亦可，呢个价钱抵食！📌P I Z Z A - ▪ Mixed Seafood · Pizza -▫ 云集各类海鲜英雄既「超级海鲜·薄饼」，佢地个PIZZA即叫即整，一上枱新鲜滚热辣，芝士拉丝够浓密，仲食到大量鱿鱼圈、蚬肉、带子粒馅料；加上底部烤得够脆口，带淡淡焦香，认真唔错。