橋底辣蟹

营业中

休息中

桥底虽然唔再净系讲故，己经有20几年历史既「桥底辣蟹」近排就系铜锣湾旧铺转新铺，正所谓姜就愈老愈辣姐，蟹就一定系愈辣愈惹味既；不过今晚朋友麻麻地蟹，嗌左几样撚手小菜啤啤佢，一样够地道！👇📌贝 壳 - ▪ 豉 汁 炒 蚬 - $88▫ 第一味一定要试「豉汁炒蚬」，豉椒味恰到好处，唔会过咸，份量绝对无呃秤，基乎每只蚬都打开哂，蚬肉够多，食到明显鲜味，镬气十足。📌蔬 菜 -▪ 西 兰 花 炒 鲜 鱿 - $88▫ 另一道必食小菜「西兰花炒鲜鱿」一试就试到大厨水准非常到家，西兰花食落保留到爽脆口感，加埋鲜鱿好有咬口，加埋虾酱够哂风味！📌铁 板 -▪ 铁 板 黑 椒 牛 仔 骨 - $88▫ 原热辣辣既铁板呈上既「铁板黑椒牛仔骨」，牛仔骨一入口牛肉味相当厚实，肉质软腍嫩滑，加埋黑椒点缀，带少少辛辣感。📌餐 前 小 食 - ▪ 椒 盐 九 肚 鱼 - $88▫ 最后嗌埋个即叫即炸既「椒盐九肚鱼」，炸粉够薄食落非常脆身，鱼肉非常新鲜，就算炸过后都保留到质感爽滑，鱼幼骨算少，唔错。