十三少 (已結業)

酸菜鱼魅力没法挡，作为一个酸菜鱼迷。今次去试吓朋友介绍嘅十三少酸菜鱼。主打「两鲜」：鱼每日新鲜，汤底亦都系每日新鲜熬制。晚市时段都几满座，可能要有耐心等一等。食物选亦都丰富（小食凉菜/主菜/小菜/香锅等）。上菜前，用花生做筷子座几特别哈🤣。椒麻皮蛋（金蛋）🥚第一次食金黄色嘅皮蛋，几特别。采用四川腌法，外层的质感似软身啫喱，晶莹通透，蛋黄仲系流心。配埋辣椒香蒜，作为小食惹味又开胃。13少酸菜鱼🐟份量非常足，一大盘上。记得先饮汤再食鱼😊，汤底好有鱼香，鱼片肉无骨👍🏼啖啖肉。配料亦都好多，大量酸菜外，仲有萝卜莴笋等。索晒汤底，非常滋味。送饭一流！十三少蒜香荷叶蟹饭（细）🦀虽然写住细份，但上菜见到有惊喜。份量都唔少，几大笼。荷叶饭不嬲都唔少野，饮粒充满荷叶香。呢个仲要加上蟹鲜味同蒜香，每啖都好满足，捞埋后个饭食多几碗都得！食物质素好，坐得舒服。有机会会再Encore 食多次😚。